Home
புதன், 08 ஏப்ரல் 2020
பகுத்தறிவு
Print E-mail

கந்தன் ஒருநாள் சாலையிலே

கடந்து செல்லும் வேளையிலே

துன்பம் நேர்ந்ததோர் ஊர்தியினால்

தூக்கி எறியப் பட்டானே!

 

வழியும் குருதி வெள்ளத்தில்

வீழ்ந்து கிடந்தான் பள்ளத்தில்;

வழியே வந்த வாரிஸ்கான்

விரைந்து மருத்துவ மனைசேர்த்தான்

 

குருதி அதிகம் போனதனால்

கூடுதல் குருதி தேவையென்றார்.

அருமைச் சிறுவன் அவனுந்தான்

அன்புடன் தந்து உயிர்காத்தான்

 

மதமும் ஜாதியும் பாராமல்

மனிதம் காப்பது பகுத்தறிவு

இதயத் தோடு இதயங்கள்

இணையும் அன்பே பகுத்தறிவு.

-பொதட்டுர் புவியரசன்

Share