Home
சனி, 30 மே 2020
தாய்மொழியே உயர்வு!
Print E-mail

தெளிவாய் எதையும் சிந்திக்க

தேர்ந்த மொழி-தாய் மொழியேதான்;

எளிதாய்க் கற்றுப் புரிந்திடலாம்;

ஏற்றம் பெற்றே வென்றிடலாம்;

 

உன்றன் முன்னோர் உரைத்ததுதான்

உனக்குத் தாய்மை மொழியாகும்

நன்றாய் அதிலே தேர்ந்திட்டால்

நலமே அன்றிக் கேடில்லை;

 

உலகில் மொழிகள் பலவாகும்;

தமிழே உலகின் மூத்தமொழி;

தரையில் தமிழ ராய்ப்பிறந்தால்

தனியோர் பெருமை அவர்க்குண்டு;

 

ஆய கலைகள் அனைத்தையுமே

அழகுத் தமிழில் கற்றிடுக;

தூய சிந்தை யோடென்றும்

தொடர்ந்தே உலகை வென்றிடுக!

 

அன்னை மடிதான் அனைவருக்கும்

அமைதி அளிக்கும் இடமாகும்;

அன்னை மொழிதான் அவரவர்தம்

அறிவைப் பெருக்கும் நெறியாகும்!

- கே.பி.பத்மநாபன், சிங்காநல்லூர், கோவை

 

Share