Home சாய்ந்த கோபுரம் - மேகா
புதன், 16 ஜனவரி 2019

தற்போதைய இதழ்

Previous அடுத்து
  • 1
  • 2
களை கட்டிய காலை நிகழ்ச்சி களை கட்டிய காலை நிகழ்ச்சி பெரியார் பிஞ்சுகள் மாநாடு திண்டுக்கல்லில் நடைபெற்ற எழுச்சிகரமான பெரியார் பிஞ்சுகள் மாநாட்டில் தமிழ்நாட்டின் அனைத்து பகுதிகளிலுமிருந்து... மேலும்
அல்லும் பகலும் உழைத்திடடா! உழைப்பால் உலகை வென்றிடலாம் உண்மை! இதனை அறிந்திடுவீர்! உழைப்பால் முடியா செயலென்று உலகில் எதுவும் இல்லையென்பீர்!   அடிமேல் அடிகள் அடித்தி... மேலும்
தமிழ்ப் புத்தாண்டு அனைவருக்கும் ஆங்கில – தமிழ்ப் புத்தாண்டு, பொங்கல் வாழ்த்துகள்! தமிழ்ப் புத்தாண்டு அனைவருக்கும் ஆங்கில – தமிழ்ப் புத்தாண்டு, பொங்கல் வாழ்த்துகள்! ஆசிரியர் தை… தை… தை… இயற்கையின் விந்தை எழில் பொங்கும் வித்தை அழிய வேண்டும் அகந்தை ஆக வேண்டும் மேதை மகிழ வைக்கும் விருந்தை குளிர வேண்ட... மேலும்
உங்கா, சிங்கா, மங்கா கதை கேளு… கதை கேளு… விழியன் பள்ளி முடித்துவிட்டு மகிழ்வாக வீடு நோக்கி வந்துகொண்டிருந்தது உங்கா. உங்கா வெள்ளையும் ஆங்காங்கே கறுப்பு வட்ட... மேலும்
நமக்கான விழாக்களும், நாசகார பண்டிகைகளும் நமக்கான விழாக்களும், நாசகார பண்டிகைகளும் விழா நாயகர்கள் சரவணா ராஜேந்திரன் வள்ளுவர், கவுதம புத்தர், வர்த்தமான மகாவீரர், தந்தை பெரியார், அண்ணல் அம்பேத்கர், அறிஞர் அண்ணா, பெருந்தல... மேலும்
சாய்ந்த கோபுரம் - மேகா
PDF  | Print |  E-mail
User Rating: / 0
PoorBest 

இத்தாலியில் பைசா (Pisa) என்ற அழகான நகரம் உள்ளது. இங்கு எட்டடுக்கு மாடிகளுடன் காணப்படும் கோபுரமே பைசா நகர கோபுரம் என்றழைக்கப்படுகிறது. கி.பி. 1174 - 1350 இல் கட்டி முடிக்கப்பட்டுள்ளது.

இக்கோபுரம் சாய்ந்து கொண்டே வருவதால், பைசா நகர சாய்ந்த கோபுரம் என்றே பெரும்பாலும் அழைக்கப்படுகிறது. இதுவரை 16 1/2 அடிவரை சாய்ந்துள்ளது. இக்கோபுரம் கட்டப்பட்ட பின்பு சாயத் தொடங்கியதா என்றால், இல்லை என்றே சொல்ல வேண்டும். கோபுரத்தின் மூன்றாவது மாடியினைக் கட்டும்போதே சாயத் தொடங்கிவிட்டதாம்.

சாய்வதற்கான காரணங்களைப் பலரும் பலவிதமாகக் கூறுகின்றனர். என்றாலும், 10 அடி அஸ்திவாரத்தில் மட்டுமே அமைந்துள்ளதும், 14,500 மெட்ரிக் டன் எடையைத் தாங்கக் கூடிய அளவிற்கு அந்த இடத்தின் மண் வலுவானதாக இல்லை, அடித்தளம் மணலினைக் கொட்டி எழுப்பியதால்தான் சாய்ந்து வந்தது என்பதும் நம்பக்கூடியவையாக உள்ளன. மேலும், மத்தியத் தரைக்கடலிலிருந்து வீசும் உப்புக் காற்றும் கேட்டினை அதிகப்படுத்தி வந்தது. மூன்றாவது மாடியினைக் கட்டத் தொடங்கும் போதே, கட்டட நிபுணர்கள் தங்கள் தவறினைச் சரிசெய்ய முயற்சி செய்தனர். ஆனால் முடியவில்லை. எனினும், அதற்குமேல் அய்ந்து மாடிகளைக் கட்டிவிட்டனர். 175 ஆண்டுகளில் கொஞ்சம் கொஞ்சமாகத் திட்டமிட்டுக் கட்டி முடிக்கப்பட்டுள்ளது.

பைசா நகர சாய்ந்த கோபுரம் அதன் அருகில் உள்ள மாதா கோயில் ஒன்றுக்கு மணிக்கூண்டாகக் கட்டப்பட்டது.

கோபுரத்தின் உயரம் 179 அடியாகவும், சுவர்கள் 13 அடி கனத்திலும் உள்ளன. உச்சியில் 6-7 அடிவரை கனத்திலும் கட்டப்பட்டுள்ளது. முதல் மாடியில் 15 தூண்களால் தாங்கப்படும் கமான்களும், அடுத்த 6 மாடிகளில் 30 தூண்களும், மேல்மாடியில் 12 தூண்களும் உள்ளன. மேல்மாடியில் மணிகள் உள்ளன. மேல்மாடிகளுக்குச் செல்ல உள்ளே 296 படிக்கட்டுகள் உள்ளன. கோபுரத்தின் உச்சியிலிருந்து ஒரு கல்லினைப் போட்டோமென்றால், அக்கல் கோபுரத்தின் அடியிலிருந்து 16 1/2 அடி தள்ளி விழுகின்ற முறையில் கோபுர அமைப்பானது அமைக்கப்பட்டுள்ளது. வெள்ளைச் சலவைக் கல்லினால் காண்போர் கண்களைக் கவரும் வகையில் கட்டப்பட்டுள்ளது.

கோபுரத்தின் உச்சியில் நகரைப் பார்த்து ரசிப்பதற்கு மேடையும் உள்ளது. இம் மேடையிலிருந்துதான் 1589 இல் விஞ்ஞானி கலிலியோ, மேலிருந்து கீழ்நோக்கி விழும் பொருள்களின் முடுக்கத்தைப் (Acceleration) பற்றிய ஆய்வினை மேற்கொண்டார் என்பது குறிப்பிடத்தக்கது. இம்மேடையிலிருந்து பைசா நகரின் அழகிய காட்சியினையும், மத்தியத் தரைக் கடலையும் கண்டு ரசித்து மகிழலாம்.

கோபுரத்தைப் பார்க்க ஏராளமான சுற்றுலாப் பயணிகள் வந்து செல்கின்றனர். கோபுரத்தின் சாய்வினைத் தடுக்க, கட்டடக் கலை பொறியியல் வல்லுநர்கள் பல ஆண்டுகளாக முயற்சி மேற்கொண்டு வந்தனர்.

அந்தக் கால மக்களே இவ்வளவு திறமையுடன் கட்டியுள்ளார்கள். தொழில்நுட்பம் வளர்ந்த கணினியுகத்தில் உள்ளவர்கள் சாய்வினைத் தடுக்க தொடர்ந்து முயற்சி செய்தனர். முயற்சி வெற்றியைத் தந்துள்ளது.

யுனெஸ்கோ அமைப்பும் 1989 இல் கோபுரத்தைப் பாதுகாக்கும் பணியினை ஏற்றுக்கொண்டது. பழுது பார்க்கும் பணி தொடர்ந்து நடைபெற்று வந்தது. கோபுரத்திற்கடியில் சேர்ந்துள்ள மண் மற்றும் கழிவுப் பொருள்களை லேசர், உளி மற்றும் சிறிய வகை ஊசிகளைப் பயன்படுத்தி நீக்கினர். 6 மில்லியன் பவுண்டு செலவில் கிட்டதட்ட 5.5 டிகிரி சாய்ந்திருந்த கோபுரம் மீட்கப்பட்டு, தற்போது 3.9. டிகிரி சாய்வு நிலைக்கு நேர் செய்யப்பட்டுள்ளது.

இன்னும் 200 ஆண்டுகளுக்கு இந்தக் கோபுரத்துக்கு ஆபத்து இல்லை என்று இதனைப் பராமரித்து வரும் ஒபரா பிரமாசியால் நிறுவனம் தெரிவித்துள்ளது.

Share
 

முந்தைய மாத இதழ்

பெரியாரின் நூல்கள் படி! பெரியாரின் நூல்கள் படி!   பகுத்தறிவை வளர்ப்ப தற்குப் படித்திடுவாய் பெரியார் நூல்கள்; தகுதியுடைத் தலைவ னாகத் தாத்தாவின் நூல்கள் கற்பாய்!   அறிவுக்கே ஒத்து வா... மேலும்
பேரிடர்களிலிருந்து இயற்கைக் காப்போம் பேரிடர்களிலிருந்து இயற்கைக் காப்போம் தமிழ்நாட்டின் கடற்கரையோர மாவட்டங்களில் குறிப்பாக நாகப்பட்டினம் முதல் புதுக்கோட்டை வரை கஜா புயல் ஏற்படுத்தியிருக்கும் பாதிப்புகளைப் பார்த்த... மேலும்
தித்தித்தா விட்ட பட்டம் தித்தித்தா விட்ட பட்டம் கதை கேளு… கதை கேளு… விழியன் கிராமத்திற்குச் சென்று ஊர் திரும்பி இருந்தாள் தித்தித்தா. பள்ளி துவங்கிவிட்டது. முதல் நாள் முதலே பட்டம் விடவ... மேலும்
நச்சுப் பானம் கோகோ கோலா நச்சுப் பானம் கோகோ கோலா கோகோ கோலா என்னும் கொடிய குளிர்பானம். குழந்தைகளைத் தொடர்ந்து பருகச் செய்யும். இதில் உள்ள Aspartame என்னும் வேதிப் பொருள் குழந்தைகளுக்கும் ப... மேலும்
உரிமை சின்னச் சின்னக் கதைகள் கிராமத்து ஓட்டு வீடு. சிட்டுக்குருவி ஒன்று அந்த வீட்டின் உள்ளே ஓட்டு இடுக்கில் கூடு கட்டிக் கொண்டிருந்தது. அதைப் ப... மேலும்