Home விடுமுறையை இனிமையாக்க....
திங்கள், 25 மார்ச் 2019

தற்போதைய இதழ்

Previous அடுத்து
  • 1
  • 2
ஞாயிறு போன்று ஒளிர்ந்திடு! ஞாயிறு போன்று ஒளிர்ந்திடு! பயனாய் வாழ்வைக் கழித்திடு - தம்பி பயத்தைப் போக்கி வளர்ந்திடு நயமாய்ப் பேசக் கற்றிடு - தம்பி நன்மைகள் செய்ய எண்ணிடு! காலம் போற்றி வாழ... மேலும்
அழகிய பென்சில் ஸ்டேண்ட் அழகிய பென்சில் ஸ்டேண்ட் செய்து அசத்துவோம் வாசன் தேவையான பொருட்கள்: பல வண்ணத்தினாலான அய்ஸ்கிரீம் குச்சிகள், ஒரு சிறிய அட்டைப் பெட்டி, பசை, பெவிக்கால், ரப்பர் பே... மேலும்
சைமனுக்கு கிடைத்த விண் வீழ்கல் சைமனுக்கு கிடைத்த விண் வீழ்கல் கதை கேளு… கதை கேளு… விழியன் மூன்றாவது வரிசையில் இருந்து சத்தம் வந்துகொண்டே இருந்தது. தம்பிங்களா, அதென்ன சத்தம்? வகுப்பை கவனிங்க என்றார் ... மேலும்
மூன்று பேய்களும் அய்ந்து நோய்களும் மூன்று பேய்களும் அய்ந்து நோய்களும் தந்தை பெரியாரின் கதை சுகுமாரன் ஓவியம்: கி.சொ (1) கடவுள், (2) மதமும், ஜாதியும், (3) ஜனநாயகம் _ இம்மூன்றும் இந்நாட்டை பிடித்துள்ள பேய்கள்... மேலும்
பூ மட்டுமா? பூ மட்டுமா? த.மரகதமணி இது என்ன? எலுமிச்சை பழம். இதுக்கு முன்னாடி? எலுமிச்சங்காய். இது என்ன? வாழைப்பழம். இதுக்கு முன்னாடி? வாழைக்காய். இந்த நகைச்ச... மேலும்
விடுமுறையை இனிமையாக்க....
PDF  | Print |  E-mail
User Rating: / 0
PoorBest 

கோடையைக் குளிவிக்க

பிஞ்சுகளே... நலமா?

தேர்வுகள் முடிந்து ஓய்வில் இருக்கிறீர்கள் தானே. ஓய்வு தேவைதான்.ஆனால், அது வெட்டி அரட்டையாக இருக்கக்கூடாது அல்லவா. ஓய்வு என்பதற்கு உலகில் யாரும் சொல்லாத புதுக் கருத்து ஒன்றை நம் பெரியார் தாத்தா சொன்னார்.அது என்ன தெரியுமா? ஓய்வு என்பது இன்னொரு வேலையைச் செய்வது என்று பெரியார் தாத்தா சொன்னார்.அதாவது நாம் வழக்கமாகப் பார்க்கும் வேலையை விட்டுவிட்டு வேறு பயனுள்ள வேலைகளைச் செய்வது என்பது அதற்குப் பொருள். சரி அப்படிப் பயனுள்ள வகையில் விடுமுறையைக் கழிக்க சில ஆலோசனைகளை பெரியார் பிஞ்சு வழங்குகிறது. கேளுங்கள். பெரும்பாலும் நகரங்களில் இருப்பவர்கள் நமது பெற்றோர்கள் வாழ்ந்த சொந்த கிராமங்களுக்குச் சென்றதில்லை.அந்தக் குறையைப்போக்க இந்த விடுமுறையைப் பயன்படுத்திக் கொள்ளுங்கள்.

நகரங்களில் வசிப்பவர்கள் தங்கள் சொந்த கிராமங்களுக்குச் செல்லலாம். கிராமங்களில் என்ன இருக்கிறது? அங்கு ஏன் செல்ல வேண்டும் என்ற கேள்வி எழலாம்.

கிராமங்கள், அங்கு நடைபெறும் விவசாயம் இல்லையெனில் நாம் உயிர் வாழத் தேவையானவைகளுள் முக்கிய இடம்பெறும் உணவினை எப்படிப் பெறமுடியும்? உலகிற்கு அச்சாணியாக விளங்கும் உழவுத்தொழிலை - கிராமங்களை - கிராம மக்களைச் சென்று பார்த்து வரலாமே! மேலும், அந்த ஊரின் அருகிலுள்ள அணைக்கட்டு, ஆறு, பார்க்க வேண்டிய இடங்கள் வேறு ஏதாவது இருப்பின் சென்று பார்த்து வரலாம்.

 

 

கிராமங்களில் வசிப்பவர்கள் நகரங்களில் இருக்கும் உறவினர்கள் வீட்டிற்குச் செல்லலாம். சென்னை போன்ற பெருநகரங்களுக்கு வருவோர் - வசிப்போர், கோட்டூர்புரத்திலுள்ள அண்ணா நூற்றாண்டு நினைவு நூலகம், வள்ளுவர் கோட்டம், அருங்காட்சியகம் (மியூசியம்), மிருகக்காட்சி சாலை (zoo), கிண்டியிலுள்ள சிறுவர் பூங்கா, செம்மொழிப் பூங்கா போன்ற இடங்களுக்குச் சென்று பார்த்து வரலாம்.

படிப்பிற்கு இடையூறாக இருந்த தொலைக்காட்சி நிகழ்ச்சிகளைப் பார்ப்பதைத் தவிர்த்திருப்பீர்கள். தவிர்த்த தொலைக்காட்சியில், டிஸ்கவரி, நேசனல் ஜியாகிரபி, அனிமல் பிளானெட், செய்தி அலைவரிசைகளைப் பார்த்து பொது அறிவினைக் கொஞ்சம் வளர்த்துக் கொள்ளலாம்.

கோடை வெயிலைச் சமாளித்து உடலைக் கொஞ்சமாவது குளிர்ச்சியாக வைத்துக் கொள்ள வேண்டுமல்லவா? தாகத்திற்கு - உடல் சூட்டைத் தணிப்பதற்குப் பெரும்பாலோர் பாட்டிலில் அடைத்து வைத்திருக்கும் குளிர்பானங்களையே விரும்பிப் பருகுகின்றனர். இவற்றில் கலந்துள்ள வேதிப் பொருள்கள் உடல்நலத்திற்குத் தீங்கு விளைவிப்பவை; நச்சுத்தன்மை உடையவை. எனவே, முடிந்தவரை இவற்றைப் பருகுவதைத் தவிர்க்க வேண்டும்.

குளிர்பானங்களைப் பருகுவதற்குப் பதிலாக, வெயிலின் தாக்கத்தினால் ஏற்படும் உடல் வெப்பத்தைக் குறைக்க நிறைய தண்ணீர் குடிக்கலாம். இரத்தத்தைச் சுத்தப்படுத்தி, வியர்வையாக வெளியேற்றும் ஆற்றலும் தண்ணீருக்கு உள்ளதே. குளிர்சாதனப் பெட்டியில் (fridge) வைத்த தண்ணீரைப் பருகுவதைத் தவிர்க்க வேண்டும். இது, உடலிற்கு மேலும் வெப்பத்தையே தரக்கூடியது. எனவே, மண்பானைகளில் ஊற்றிவைத்த தண்ணீரைப் பருகலாம் அல்லது சாதாரணமான தண்ணீரையே (தண்மை+நீர் = குளிர்ச்சி பொருந்தியது நீர்) பருகலாம்.

இயற்கை நமக்கு வழங்கியுள்ள இளநீர், தர்பூசணி, கிர்ணிப் பழம், வெள்ளரிக்காய், நுங்கு போன்றவற்றைச் சாப்பிட்டு, வெப்பத்திலிருந்து பாதுகாத்துக் கொள்ளலாம். தயிர், மோர் ஆகியவற்றையும் அதிகம் சேர்த்து உடலைக் குளுமையாக்கலாம்.

விடுமுறைக்கு எங்குமே செல்லவில்லை, வீட்டில்தான் இருப்போம், என்ன செய்வது என்று நினைப்பவர்கள், அருகிலுள்ள நூலகங்களுக்குச் சென்று வரலாம். புத்தகங்களைவிடச் சிறந்த நண்பர்கள் - வழிகாட்டுபவர்கள் வேறு யாரும் இல்லை. எனவே, அறிவுசார் புத்தகங்களைப் படித்து, புத்துலகம் படைக்க முன்வாருங்கள்!

 

Share
 

முந்தைய மாத இதழ்

பெருமையுரு! பெருமையுரு! பிப்ரவரி 21 - உலகத் தாய்மொழி நாள் தவறே யின்றித் தாய்மொழியைத் தம்பி முதலில் கற்றிடுவாய்; அவமா னங்கள் இதிலில்லை; அயலார் மொழியும் இருக்கட... மேலும்
மலேசியக் குழந்தைகள் மத்தியில் பயணிக்கும் பெரியார் மலேசியக் குழந்தைகள் மத்தியில் பயணிக்கும் பெரியார் மலேசிய நாட்டின் பல்வேறு ஊர்களில் உள்ள தமிழ்ப்பள்ளிகளில் பயிலும் 300க்கும் மேற்பட்ட மாணவர்களுக்கு பெரியார் பிஞ்சு இதழ்கள் மற்றும் பெரியார் ... மேலும்
டயோ – தியோ டயோ – தியோ கதை கேளு… கதை கேளு… விழியன் டயோவினை கூட்டில் காணவில்லை. தாரிகாவும் அவள் தம்பியும் வீடு முழுவதும் தேடிவிட்டார்கள். கண்டுபிடிக்க முடியவில்... மேலும்
காலப் பயணம் செய்யலாமா? கால இயந்திரம் சரவணா இராஜேந்திரன் காலப்பயணம் _ நாம் எல்லோரும் இந்த வார்த்தையைக் கேட்டிருக்க வாய்ப்புகள் உண்டு.  காலம், கடந்து பயணம் செய்யும... மேலும்
குதிக்கும் டால்பின் குதிக்கும் டால்பின் செய்து அசத்துவோம் வாசன் 1.     3X5 இன்ச் அளவுள்ள இரண்டு அட்டைகளை எடுத்துக்கொண்டு இரண்டையும் பசை தடவி ஒட்டிக் கொள்ளவும். 2.     பிறகு ப... மேலும்