திங்கள், 21 ஆகஸ்ட் 2017

தற்போதைய இதழ்

Previous அடுத்து
  • 1
  • 2
அந்த ஏழுநாட்களும்! இடுக்கிமலைகளும்! அந்த ஏழுநாட்களும்! இடுக்கிமலைகளும்! கோடை விடுமுறையில் வீட்டில் சும்மா இருக்க முடியவில்லை என்பதால், “எங்காவது சுற்றுலா போகலாம்’’ என்று அம்மாவிடம் கேட்டேன். “எங்கே போகலாம்?’’ எ... மேலும்
  தந்தை பெரியாரின் கதை 5 தந்தை பெரியாரின் கதை 5 பெரியாருக்கு வயது 25. ஒரு சமயம் அப்பா மீது வந்த கோபத்தில் காசிக்குப் போய் சாமியாராக முடிவு செய்தார். பெரியார் வீட்டை விட்டுப் புறப்பட்டுவி... மேலும்
பேசாதன பேசினால் 11 பேசாதன பேசினால் 11   நெல்லி.... சொல்லிய சேதி அரசுப் பள்ளி அய்ந்தாம் வகுப்பு ஆசிரியர் சுடரொளி சமூக அறிவியலில் உள்ள தமிழ் இலக்கியப் பாடத்தை சொல்லால் காட்சிப்... மேலும்
இதற்குத் தானா? இதற்குத் தானா? அரசி மாளவிகா தேவியாருக்குக் கோபம் கோபமாக வந்தது மாமன்னரின்மேல். எப்போது பார்த்தாலும் பேசு பேசு என்றால் எதைப் பேசுவது? எப்படிப் பேசுவது? என... மேலும்
கடலுக்கு அடியில் எட்டாம் கண்டம்
PDF  | Print |  E-mail
User Rating: / 0
PoorBest 

அறிவும், அறிவியலும் வளர்ந்து கொண்டே இருக்கும். புதிது புதிதாக உலகம் தன்னை புதுப்பித்துக் கொண்டே இருக்கும். அல்லது நாம் அறியாத பல செய்திகளை அறிவதற்கான வாய்ப்பு கிடைத்துக் கொண்டேயிருக்கும்.

இதுவரை நாம் ஏழு கண்டங்கள் இருப்பதாகப் படித்துவந்தோம். இதோ புதிதாக, கடலுக்கு அடியில் ஸீலாண்டியா (Zealandia) என்ற புதிய கண்டம் கண்டுபிடிக்கப்பட்டுள்ளது. உண்மையில் இச்செய்தி நமக்குத் தான் புதிது. ஆய்வாளர்கள் கடந்த 20 ஆண்டுகளாக இது குறித்து ஆய்வு செய்துவருகிறார்களாம்.

உலகில் தற்போது ஆசியா, ஆப்பிரிக்கா, வட அமெரிக்கா, தென் அமெரிக்கா, அய்ரோப்பா, ஆஸ்திரேலியா என 6 கண்டங்களில் மக்கள் வாழ்கின்றனர். தவிர முழுவதும் பனியால் சூழப்பட்ட அண்டார்டிகாவையும் நாம் ’கண்டம்’ என்னும் கணக்கில் தான் வைத்திருக்கிறோம். கண்டம் என்பது மிகப்பெரிய நிலப்பரப்பு ஆகும். இதை அரசியல் ரீதியிலான பிரிவாக அல்லாமல், புவியியல்படியான பிரிவாகப் பார்க்கவேண்டும்.

தற்போது புதிதாக கண்டுபிடிக்கப்பட்டுள்ள ஸீலாண்டியா தென்பசிபிக் கடலுக்கு அடியில் உள்ளது. அதாவது தற்போதுள்ள நியூசிலாந்துக்கு அடியில் கடலுக்குள் மூழ்கி கிடப்பதாக தெரிவிக்கப்பட்டுள்ளது.

‘ஸீலாண்டியா’ என்னும் இந்த புதிய கண்டத்தை, நியூஸிலாந்து கண்டம் என்றும் டாஸ்மாண்டிஸ் என்றும் சிலர் அழைக்கின்றனர். இது அண்டை கண்டமான ஆஸ்திரேலியாவின் அளவில் மூன்றில் 2 மடங்கு கொண்டது. மேலும் நியூசிலாந்தை போன்று 3 மடங்கு பெரியது என்றும் ஆய்வாளர்கள் கூறுகின்றனர்.

அதாவது 50 லட்சம் சதுர கிலோ மீட்டர் பரப்பளவுள்ள ஸீலாண்டியா கண்டத்தின் 94% பகுதி கடலுக்கு அடியில் மூழ்கிக் கிடக்கிறது. இக் கண்டத்தில் நிலமாக இருக்கும் பகுதிகள் நியூஸிலாந்தின் வடக்கு தெற்கு தீவுகளும், நியூ கலேடோனியாவுமாகும்

புவியியல் அமைப்பை சேர்ந்த விஞ்ஞானிகள் இது குறித்து தொடர்ந்து ஆய்வு மேற்கொண்டு வருகின்றனர். அண்மையில் இத்தகவல் அமெரிக்க ஜியாலஜிக்கல் சொசைட்டி ஆய்வு இதழில் நிக் மார்டிமர் என்பவரால் எழுதி வெளியிடப்-பட்டுள்ளது.

அப்போ உடனடியாக பாடப்புத்தகங்களில் மாறிவிடும் என்ற கவலை வேண்டாம். இன்னும் அறிவியலர் நிறைய ஆய்வு செய்ய வேண்டும்.

- இறைவி

Share
 

முந்தைய இதழ்கள் 2016

முந்தைய இதழ்கள் 2017

பிஞ்சு 2017