வெள்ளி, 23 ஜூன் 2017

தற்போதைய இதழ்

Previous அடுத்து
  • 1
  • 2
நன்றி சொல்லப் பழகுவாய் நன்றி சொல்லப் பழகுவாய் உன்னால் முடியும் செயலைநீயே செய்தல் நனிநன்று; உதவி நாடின் பிறரிடத்தில்உருப்படி யாய்அது நடவாதே! உதவி கேட்டு வருவோர்க்குஉழைப்பை நல்கத் தவறாதே... மேலும்
தந்தையைப் போற்றுவோம்! தந்தையைப் போற்றுவோம்! அறிவைப் புகட்டும் தந்தையினை ஆண்டு முழுதும் போற்றிடினும்குறிப்பாய் ஒருநாள் சிறப்பாக கொண்டா டுதல்தான் தந்தையர்நாள்!தம்மின் தமது மக்களெலாம் த... மேலும்
போசாதன போசினால் - 9 போசாதன போசினால் - 9 யாழினி வீட்டு வாசலில் தன் தோழிகளோடு பாண்டி விளையாடிக் கொண்டிருந்தாள். ஏழாம்  வகுப்பு படிக்கும் யாழினிக்கு விளையாட்டில் ஆர்வம் உண்டு. ஆனால்... மேலும்
பள்ளிக்கூடங்கள் பழகுமுகாமாக மாறுவது எப்போது? பள்ளிக்கூடங்கள் பழகுமுகாமாக மாறுவது எப்போது? குழந்தைகள் உலகத்தின் தேசிய வார்த்தை ‘போரடிக்கிறது’ என்பதுதான். எதற்கெடுத்தாலும் இந்த வார்த்தையை பயன்படுத்துகிறார்கள். மற்றதெல்லாம் ஆளுக்கு... மேலும்
வாழ்த்துகள் பிஞ்சுகளே!
PDF  | Print |  E-mail
User Rating: / 0
PoorBest 

வகுப்பில் ஒரு எட்டு* முன்னே வைத்திருக்கிறீர்கள். நம் அண்ணன்கள், அக்காக்களெல்லாம் பத்து, பன்னிரண்டாம் வகுப்புத் தேர்வுகளில் வெற்றிகளைக் குவித்திருக்கிறார்கள். மதிப்பெண்களை வைத்தெல்லாம் பெரிதாய் கவலை கொள்ளத் தேவையில்லை.

தமிழகக் கல்வித் துறை முக்கியமான பல மாற்றங்களைக் கண்டு கொண்டிருக்கிறது. ’நீட்’ என்ற பெயரில் திணிக்கப்பட்டுள்ள நுழைவுத் தேர்வு பெரும் பிரச்சினையாக மாறியுள்ளது. அதற்கான தேர்வைக் கூட இவ்வளவு வன்முறையாகவும், மோசடியாகவும் நடத்த முடியுமா என்ற கேள்வி எழுந்துள்ளது. நம் அண்ணன்கள் அக்காக்களெல்லாம் பட்ட பாடுகளை நாம் தொலைக்காட்சியில் பார்த்தோம். இவற்றிலிருந்து நம்மையும், நம் கல்வியையும் காக்க தொடர்ந்து குரல் கொடுத்துவருகிறோம். இது ஒருபுறம்.

மற்றொரு புறம் - மேல்நிலைப் பள்ளிக் கல்வி தொடர்பான இரண்டு முக்கியமான அறிவிப்புகள் வெளிவந்துள்ளன.

1. 11-ஆம் வகுப்பு பாடத்தை நடத்தாமலேயே,  12-ஆம் வகுப்பு பாடத்தை நடத்திக் கொண்டிருந்த கல்வி நிறுவனங்களின் தவறான போக்கை மாற்ற 10, 11,12 ஆகிய மூன்று வகுப்பிற்கும் பொதுத் தேர்வு உண்டு என்று அறிவித்திருக்கிறது தமிழ்நாடு அரசு.

2. மேல்நிலைப் பள்ளியில் பாடப்பிரிவுகளை வழங்கும்போதும் இடஒதுக்கீட்டின் அடிப்படையில் வழங்கப்பட வேண்டும் என்ற தமிழ்நாடு அரசின் முந்தைய ஆணையை நினைவூட்டி பள்ளிக்கல்வித் துறை வலியுறுத்தியுள்ளது.
இவையிரண்டும் முக்கியமானவை,

மற்றபடி, கேள்வி முறைகளிலும், மதிப்பெண் அளவுகளிலும் செய்யப்பட்டுள்ள மாற்றங்கள் எவ்வகையில் பயன்படும் என்பதை கல்வியாளர்கள் ஆய்வு செய்துவருகிறார்கள்.

கல்வித் துறையின் மீது அனைவரின் கண்களும் இருக்கும் வேளையில்தான் இப்போது அடுத்த வகுப்புக்குள் நீங்கள் நுழைகிறீர்கள்.

பெரியார் பிஞ்சு உங்களுக்கு சொல்வது ஒன்று தான். கல்வி என்பதும், படிப்பு என்பதும் வெறும் பள்ளிக் கல்வி மட்டுமல்ல... இந்த சமூகத்தில் சுற்றி இருப்பவற்றிலிருந்தும், இயற்கையிடமிருந்தும் நாம் கற்க ஏராளமாக உண்டு. பாடப் புத்தகங்களைத் தாண்டி நூலகங்களில் புத்தகங்கள் கொட்டிக் கிடக்கின்றன. அவற்றைத் தேடித் தேடிப் படியுங்கள். மதிப்பெண்கள் பெறுவது மட்டுமே வாழ்க்கையல்ல. பாடத்தைப் புரிந்து மதிப்பெண்களையும் பெறுவது கூடுதல் சிறப்பு - அவ்வளவுதான்.

மதிப்பெண் எடுப்பதைவிட அறிவியலை நாம் எப்படி புரிந்து படிக்கிறோம் என்பதும் தான் முக்கியமானது. 64 கிராம் எடை கொண்ட மிகச் சிறிய செயற்கைக் கோளை உருவாக்கிய கரூர் மாவட்டம் பள்ளப்பட்டியைச் சேர்ந்த மாணவர் ரிஃபாத் ஷாரூக், 12ஆம் வகுப்பு பொதுத் தேர்வில் எடுத்திருக்கும் மொத்த மதிப்பெண்கள் 750. அறிவியல் அறிவுக்கும், அறிவியல் பாட மதிப்பெண்ணுக்குமே தொடர்பில்லை எனும்போது பிற துறைகளில் உள்ள திறமைகளை மதிப்பெண்ணால் அளவிட முடியுமா?

1190 மதிப்பெண் எடுத்துள்ள யாழினி அக்கா, “நான் எல்லா செய்திகளையும் படிப்பேன்” என்று சொல்வதையும் கேளுங்கள்.

பள்ளிக்கூடம் என்பது நம்மையொத்த வயதுள்ள மாணவர்களுடன் பழகுவதற்கான வாய்ப்பையும், கூடவே அடிப்படையாக தெரிந்துகொள்ள வேண்டிய சிலவற்றைக் கற்கும் வாய்ப்பையும் சேர்த்துத் தரும் இடம். அவ்வளவே! பயப்படாமல், கவலையில்லாமல் மகிழ்ச்சியாக இவ்வாண்டு பள்ளிக் கூடத்தை அனுபவியுங்கள்!

Share
 

முந்தைய இதழ்கள் 2016

முந்தைய இதழ்கள் 2017

பிஞ்சு 2017