Home எதிர்கால மனிதருக்கு நோயற்ற வாழ்வைத்தரும் ஆட்டோபஜி
செவ்வாய், 20 பிப்ரவரி 2018

தற்போதைய இதழ்

Previous அடுத்து
  • 1
  • 2
மறையாத உண்மைகள்! மறையாத உண்மைகள்! ¨             இல்லாத ஒன்றை இருப்பதாய்ப் பேசும் மாயைகளுக்கு இங்கே பஞ்சமில்லை!   பகுத்தறிவை மறந்து பட்டம் பெறினும் படித்தவன் என்பதில் அர... மேலும்
அரசியின் கோபம் அரசியின் கோபம் --கலவை சண்முகம் ஏனிந்த அரசி இந்தக் குதி குதிக்கிறாள்? நான் என்னவோ சொல்லக் கூடாததைச் சொல்லிவிட்டதுபோல. அரண்மனையில்தான் குதித்தாள் என்றால் ... மேலும்
மின்னணுச் சாதனங்களை மிகையில்லாது பயன்படுத்து மின்னணுச் சாதனங்களை மிகையில்லாது பயன்படுத்து கணினியும் இணையமும் அவசியம்தான் -                     அதுவே கதியென்று கிடக்காதே தினம்தினம்தான்! அலைபேசி பயன்பாடும் முக்கியம்தான் -       ... மேலும்
மெட்ராஸ்-ஐ பார்த்ததும் தொற்றும்? மெட்ராஸ்-ஐ பார்த்ததும் தொற்றும்? பொதுவாக மழைக்காலங்களில் மெட்ராஸ்-_ஐ என்று பெயர் சூட்டப்பட்ட ஒரு கண்நோய் பரவலாகத் தொற்ற ஆரம்பிக்கும். அப்போது கண் உறுத்தல் அதிகம் இருக்கும்... மேலும்
இறந்தவர் உயிர் உடலைவிட்டு  வெளியே போகிறது? இறந்தவர் உயிர் உடலைவிட்டு வெளியே போகிறது?   இறந்தவரின் உயிர் அவர் உடலைவிட்டு வெளியே செல்கிறது என்று பலரும் எண்ணுகின்றனர். இது அறியாமை மட்டுமல்ல, அசல் தவறும் ஆகும். உயிர் என்பது உ... மேலும்
எதிர்கால மனிதருக்கு நோயற்ற வாழ்வைத்தரும் ஆட்டோபஜி
PDF  | Print |  E-mail
User Rating: / 0
PoorBest 

- சரவணா இராஜேந்திரன்

ஆட்டோபஜி (Autophagy) 

என்றால் என்ன?

மிகவும் எளிதான விளக்கம். இன்று டெங்கு காய்ச்சல் குறித்த செய்திகளை தினசரி படிக்கிறோம், இது கொசுவினால் உண்டாகும் உயிர்க்கொல்லி நோய். தகுத்த சிகிச்சை அளித்தால் இது குணமாகிவிடும். ஆனால் நமது உடலிலேயே பல நோய்கள் திடீரென்று உருவாகிவிடு கின்றன, இதில் பரம்பரையாக வரும் சர்க்கரை நோய், புற்றுநோய், பார்வை மங்குதல் நரம்புத்தளர்ச்சி உள்ளிட்டவை இந்த நோய்களில் அபாயகரமானது சர்க்கரை நோயும் மற்றும் புற்றுநோயும்.

இந்த நோய்க்கு நீண்டகாலம் பயன்படுத்தும் மருந்துகள் உண்டு. இருப்பினும் இதன் பாதிப்பிலிருந்து முழுமையாக மனிதர்கள் மீளமுடியாமல் உயிரிழக்க நேரிடுகிறது. இதற்கு சிகிச்சை முறைகள் வெளியிலிருந்து கொடுக்கப்-படுகின்றன, ஆனால் ஆட்டோபஜி என்பது உடலுக்குள்ளேயே பாதிக்கப்பட்ட செல்கள் தன்னைத்தானே அழித்துக்கொண்டு இந்த நோய்களைப் பரவவிடாமல் செயல்படும் முறை ஆகும்.

இந்தச் செல்களின் அடிப்படைச் செயல்-பாடுகளின் ஒரு முக்கியமான அம்சத்தை கண்டுபிடித்தார் யோஷினேரி ஓஷிமி. இந்த கண்டுபிடிப்பிற்காகவே அவருக்கு மருத்துவ-துறைக்கான நோபல் வழங்கி சிறப்பிக்கப்-பட்டுள்ளது. டோக்கியோ பல்கலைக்கழக செல்லியல் துறை பேராசிரியரான யோஷினேரி ஓஷிமி மனித உடலில் உள்ள செல்கள் தன்னைத் தானே சரி செய்து கொள்ளும் முறை குறித்து கடந்த 2014ல் புத்தகம் ஒன்றினை எழுதினார்.

அதில், ஆட்டோபஜி முறை குறித்த விரிவான விளக்கங்கள் மற்றும் அந்த துறை ஆய்வு குறித்த வரலாற்றினையும் அவர் பதிவு செய்திருந்தார். உயிரியல் துறையில் மிகப்பெரும் கிளையாக வளர்ந்துவரும் ஆட்டோபஜி குறித்த ஆய்வுகளை பன்னாட்டு அளவில் மிகச்சில ஆய்வாளர்களே மேற்கொண்டு வரும் நிலையில், அந்த துறையில் சிறப்பான பங்களிப்பை அளித்ததற்காக நோபல் பரிசு அவருக்கு அளிக்கப்பட்டுள்ளது.

செல்கள் தன்னைத் தானே சரி செய்து கொள்ளும் ஆட்டோபஜி குறித்த ஆய்வுகள் மூலம் உடலில் புற்றுநோய் பாதிப்புக்குள்ளான செல்களைக் கண்டறிந்து சரி செய்ய முடியும் என்று அறிவியலர் நம்பிக்கை தெரிவிக்கின்றனர். ஜப்பானில் இருந்து மருத்துவத்துக்கான நோபல் பரிசு பெறும் 23ஆவது நபர் ஆவார். ஆட்டோபஜி ஆட்டோ (கிutஷீ)  என்ற கிரேக்கச் சொல்லிற்கு தானாக, தானே (ஷிமீறீயீ) என்று பொருள். பஜி (ஜீலீணீரீஹ்) என்றால் சாப்பிடுதல். எனவே ஆட்டோபஜி என்றால் தன்னைத்தானே சாப்பிடுதல் என்று பொருள்.   இந்தக் கருத்தாக்கம் 1960களில் முன்னிலை பெற்றது. அதாவது செல் தனது உள்ளடக்கங்களை சவ்வுகளுக்குள் அடக்கி தன்னையே சேதப்படுத்திக் கொண்டு பை போன்ற ஒரு அமைப்பை உருவாக்கி இதனை லைசோசோம் என்ற ஒரு அறைபோன்ற அமைப்புக்கு மறுசுழற்சிக்கு அனுப்புகிறது. லைசோசோம் என்றால் புரோட்டீன்கள், கார்போஹைட்ரேட்கள் மற்றும் கொழுப்புகள் ஆகியவற்றை செரிக்கும் ஒரு சிறப்புவாய்ந்த அறையாகும். செல்லின் முக்கிய அலகுகளை இது கீழ்நிலைப்படுத்தும் பணிநிலையமாக செயல்படுகிறது.

இதனைக் கண்டுபிடித்ததற்காக 1974ம் ஆண்டு மருத்துவ நோபல் பெல்ஜிய விஞ்ஞானி கிறிஸ்டியன் டி துவே என்பவருக்கு வழங்கப்பட்டது. இவர்தான் ஆட்டோபஜி என்ற ஒரு சொல்லையும் அறிமுகப்படுத்தினார்.  1990ம் ஆண்டுகளில்  ஈஸ்ட் மூலம் ஆட்டோபேஜியை அடையாளம் காட்டும் முக்கிய மரபணுக்களை  கண்டறிந்தார்.

இதே போன்ற ஓர் உயர் நுட்ப செயல்பாடு நமது செல்களிலும் உள்ளது என்பதையும் யோஷினேரி ஓஷிமி நிறுவினார். அதாவது நம் செல்கள் அதன் உள்ளடக்கங்களை எப்படி மறுசுழற்சிக்கு உட்படுத்துகின்றன என்பது பற்றிய தெளிவாக விளக்கியுள்ளார் ஓஷிமி. இதன் மூலம்தான் நம் உடலின் பல்வேறு செயல்-பாடுகளுக்கு புதிய வெளிச்சம் கிட்டியுள்ளது, நாம் பட்டினி கிடப்பதற்கு நம் உடல் எப்படி தன்னைத்  தகவமைத்துக் கொள்கிறதோ. அதே போல் தன்னைத்தான் சாப்பிடும் செல்கள் கிருமித் தொற்றிற்கு வினையாற்றுவதை எப்படி செய்கின்றன என்பது பற்றிய மிக முக்கியக் கண்டுபிடிப்பு இது என்று மருத்துவ அறிஞர்கள் வட்டம் கூறுகிறது.

இந்த ஆட்டோபஜி மரபணுக்களில் ஏற்படும் உருமாற்றம், திடீர் மாற்றம் எப்படி நோய்க்கு அடிப்படையாக விளங்குகிறது என்பது கண்டுபிடிக்கக் கூடியதே என்று தெரியவருகிறது. இந்த ஆட்டோபேஜி தொடர்பான செல் செயல்-பாடுகள்தான் பல்வேறு நரம்பியல் மற்றும் புற்றுநோய்களுக்குக் காரணமாகிறது. மனித செல்களுக்கு இணையான ஈஸ்ட்டின் செல்களை யோஷினேரி ஓஷிமி தனது ஆய்வுக்கு எடுத்துக் கொண்டார். ஆனால் ஈஸ்ட்டின் செல்கள் மிகச்சிறியவை என்பதால் நுண்ணோக்கியில் அதன் உள்ளமைப்புகளை வேறுபடுத்திப் பார்ப்பதில்  அவருக்குச் சிரமம் ஏற்பட்டது.

இதனால் ஆட்டோபஜி என்ற செயல்பாடு ஈஸ்டில் இருக்கிறதா என்பதே அவருக்கு அய்யமாக இருந்தது. ஆனால் அவர் தொடர்ந்து விடாமுயற்சியுடன் அதில் ஆட்டோபேஜி இருப்பதைக் கண்டுபிடிக்க, பல்வேறு சோதனைகளை மேற்கொண்டு  வெற்றி பெற்றார். ஈஸ்ட்டில் உள்ள ஆட்டோபஜி குறித்து 1992ம் ஆண்டு தனது ஆய்வு முடிவுகளை வெளியிட்டார் யோஷினேரி ஓஷிமி. ஈஸ்ட்டில் ஆட்டோபேஜி செயல்பாடுகள் இருப்பதை மனித செல்களுக்குள் கண்டுபிடிப்பது எப்படி என்ற கேள்வி அவருக்கு எழுந்தது.

ஆனால் இதனையும் தொடர் பரிசோதனைகள் மூலமே கடந்து கண்டுபிடித்தார் யோஷினேரி ஓஷிமி. ஆட்டோபஜி மரபணுக்களில் ஏற்படும் மாற்றங்களே மரபுசார் நோய்களுக்குக் காரணமாகிறது. நோய்களுக்குக் காரணம் ஆட்டோபஜி என்ற ‘செல்கள் தன் உள்ளடக்கங்களை கீழ்நிலைப்படுத்தி மறுசுழற்சி செய்யும் நடைமுறைக்கு’ ஏற்படும் இடையூறுதான் பார்கின்ஸன் நோய், இரண்டாம் வகை நீரிழிவு நோய் உள்ளிட்ட வயது முதிர்ந்தோருக்கான அனைத்து நோய்களுக்கும் காரணம் என்பது தெரியவரவும் யோஷினேரி ஓஷிமியின் கண்டுபிடிப்புதான் காரணம்.

இந்த ஆட்டோபஜியில் ஏற்படும் தொந்தரவுகள்-தான் புற்றுநோய்க்கும் காரணம். இந்தக் கண்டுபிடிப்பையடுத்து ஆட்டோபஜி செயல்பாட்டை நோக்கிய மருந்துகளைக்  கண்டுபிடிக்கும் ஆய்வுகள் தீவிரமடைந்துள்ளன.  ஆட்டோபஜி என்பது 50 ஆண்டுகளாக மருத்துவ உலகில் பேசப்-பட்டு வருவதுதான். ஆனால் உடற்கூறியல் மற்றும் மருந்துகள் ஆய்வில் இது பெரிய அளவில் தாக்கம் செலுத்தியது யோஷினேரி ஓஷிமியின் பாதை திறப்புக் கண்டுபிடிப்புக்குப் பிறகே என்பதால் அவருக்கு 2016 ஆம் ஆண்டுக்கான மருத்துவத் துறைக்கான நோபல் பரிசு வழங்கி சிறப்பிக்கப்-பட்டுள்ளது.

Share
 

முந்தைய மாத இதழ்

தமிழ்த் திருநாள் வாழையும் கரும்பும் நெல்லும் வயல்களில் விளைந்து வந்து மேழியின் பெருமை சொல்லும் மிகப்பெரும் திருநாள் பொங்கல்!   பாலுடன் அரிசி வெல்லம் பர... மேலும்
திருக்குறள் திருக்குறள் குன்றின் விளக்காய் இருந்திடலாமேகுறளை தினமும் படித்தாலே - நல்லகுணங்கள் வளரும் படித்தாலே!கோபுரம் போலே உயர்ந்து நிற்பாய்குறளின் படியே நடந்தால... மேலும்
இனிய புத்தாண்டுப் பொங்கல் வாழ்த்துகள்! இனிய புத்தாண்டுப் பொங்கல் வாழ்த்துகள்! பெரியார் பிஞ்சு வாசகர்கள், படைப்பாளர்கள், விளம்பரதாரர்கள், முகவர்கள் மற்றும் உலகத் தமிழர்கள் அனைவருக்கும் இனிய புத்தாண்டுப் பொங்கல் வாழ்த்... மேலும்
காற்றே காற்றே! காற்றே காற்றே கொஞ்சம் நில்லு நில்லு! - எங்கள்... காதில் வந்து கொஞ்சம் சொல்லு, சொல்லு! கடவுள் என்றால் என்ன வென்று நீ சொல்லு சொல்லு! அதை... மேலும்
முயற்சி தந்த வளர்ச்சி முயற்சி தந்த வளர்ச்சி யாரென்று தெரிகிறதா? முயற்சி தந்த வளர்ச்சிசெல்சீ வெர்னர் (CHELSEA WERNER)- சரவணா இராஜேந்திரன் ‘டவுன் சின்ரோம்’ என்பது மூளை வளர்ச்சி தொடர்... மேலும்