Home காரணமின்றி ஏற்காதீர்கள்!
திங்கள், 17 டிசம்பர் 2018

தற்போதைய இதழ்

Previous அடுத்து
  • 1
  • 2
சுக்கு நூறாக்கப்பட்ட ரூ.10 கோடி ஓவியம் சுக்கு நூறாக்கப்பட்ட ரூ.10 கோடி ஓவியம் லண்டனில்  10 கோடி ரூபாய்க்கு ஏலம் எடுக்கப்பட்ட ஓவியம் ஒன்று, அடுத்த நொடியே சுக்குநூறாக கிழிக்கப்பட்ட சம்பவம் நடந்துள்ளது. லண்டனில் உள்ள ப... மேலும்
கின்னஸ் கின்னஸ் சாதனையின் அடையாளம்! இயற்கையின் தோற்றத்தில் மனித சமூகம் என்றைக்குமே வித்தியாசமானதுதான். புதுமைகள் செய்வதில் மனித சமூகத்திற்கு இருக்கும் ஆர... மேலும்
வாழவைக்கும் வாழ்வியல் மாலை வாழவைக்கும் வாழ்வியல் மாலை ஊக்கம் பயிரினை வளஞ்செயும் பயன்தரு நிலமென உயிரினைக் கல்வியால் ஊக்கலாம் ஓர்கவே! அறிவொளி அறிவொளி நெறியினால் ஆளுமை அடையலாம் முறிவொளி மர... மேலும்
கறுப்பினத்தின் நெருப்பு மலர்! (நெல்சன் மண்டேலா) கறுப்பினத்தின் நெருப்பு மலர்! (நெல்சன் மண்டேலா) படக்கதை எழுத்து: உடுமலை படங்கள்: லாங் வாக் டூ ஃபீரீடம் படத்திலிருந்து… மேலும்
அய்ன்ஸ்ரூலி அய்ன்ஸ்ரூலி அறிவியல் படக்கதை யாழு சிவா & ராஜ் சிவா மேலும்
மன்னிச்சூ… மன்னிச்சூ… நவம்பர் 2018 பெரியார் பிஞ்சு இதழில் பக்கம் 9 முதல் பத்தியில் அரியனை என்பது அரியணை என்றும், 12ஆம் பக்கத்தில் 2ஆம் வரியில் உறக்கத்திலிந்து என்... மேலும்
காரணமின்றி ஏற்காதீர்கள்!
PDF  | Print |  E-mail
User Rating: / 0
PoorBest 

- சிகரம்

போலி என்பது உண்மைகளைப் போல தோற்றத்தில் இருந்து ஏமாற்றும் பொய்மைகள். ‘போலி’ பொருளில் மட்டுமல்ல, கருத்திலும் உண்டு, காட்சியிலும் உண்டு, பேச்சிலும் உண்டு, எழுத்திலும் உண்டு, உணர்விலும் உண்டு.

ஆம், நீங்கள் அன்றாடம் பயன்படுத்தும் பல பொருட்கள் போலியானவையாக இருக்கும். எனவே, உண்மை எது, போலி எது என்பதைப் பெற்றோர், ஆசிரியர், பெரியவர்களிடம் கேட்டறிந்து எவை போலிகள் என்பதைத் தெரிந்துகொள்ள வேண்டும்.

உங்களுக்கு நலம் தரும் என்று சொல்லி பல கருத்துகளை வஞ்சகமாக உங்கள் உள்ளத்தில் ஏற்றுவார்கள். எனவே, எவர் சொன்னாலும் அது உண்மையா? சரியா? என்பதை நன்கு சிந்தித்தே ஏற்க வேண்டும். அதற்கு பெற்றோர், ஆசிரியர், பெரியோரிடம் நிறைய கேள்விகள் கேட்டு சந்தேகங்களைத் தீர்த்துக் கொள்ள வேண்டும்.

வேப்பமரத்தில் பால் வடிவது கடவுள் சக்தி என்பர்; கோயிலில் தீ மிதிப்பது கடவுள் பக்தியால் என்பர்; உடலில் அலகுக் குத்திக் கொள்வது கடவுள் சக்தியால் என்பர்; இரவில் பேய் நடமாடும் வெளியில் செல்லக் கூடாது என்பர்.

நீ பிறந்த நேரம் சரியில்லை, உனக்குப் படிப்பு வராது என்பர்; அவன் உயர்ஜாதிக்காரன் அவனுக்குத்தான் நன்றாகப் படிப்பு வரும்; நீ கீழ் ஜாதிக்காரன் உனக்கு படிப்பு வராது என்பர்;

நீ கடவுளை நம்பி, அவரை தினம் வேண்டினால் உனக்கு படிப்பு வரும், பணம் சேரும், நோய் தீரும் என்பர்.

இப்படிப் பலச் செய்திகள் உங்களிடம் அன்றாடம் பலராலும் சொல்லப்படும். கோயில் விழா, ஊர்வலம், திருவிழா என்று பல கவர்ச்சிகள் மூலம் இக்கருத்துகளை உங்களிடம் பரப்புவர்.

இவற்றைப் பார்க்கும்போதும், சாமியார்கள், படித்தவர்கள், பெரிய மனிதர்கள் என்று பலரும் இவற்றை நம்புவதை நீங்கள் பார்க்கும்போதும், இவை உண்மையாகத் தானிருக்கும் என்று உங்கள் பிஞ்சு உள்ளம் நம்பும்.

எனவே, நீங்கள் இவையெல்லாம் சரியா? தப்பா? என்பதை அறிய, அவற்றைப் பற்றிய உண்மைகளை அறிவியல் அடிப்படையில் அறிய முற்பட வேண்டும். அதற்கு நீங்கள் நிறைய கேள்விகளைக் கேட்டு விடை காண வேண்டும்.

பொன் போலியா, உண்மையா என்று அறிய உரசிப் பார்ப்பார்கள். அப்படி கருத்துகளின் உண்மையறிய எதையும் பகுத்தறிவோடு ஆராய வேண்டும்.

எடுத்துக்காட்டாக சிலவற்றைப் பார்ப்போம்.

கோயிலில் தீ மிதிப்பது கடவுள் சக்தியாலா?

கீழே கிடக்கும் ஒரு சிறு நெருப்பை மிதித்தால்கூட “சுரீர்” என்று சுடுகிறது. அப்படி இருக்க இறைவன் அருள் இல்லாமல் எப்படி தீ மிதிக்க முடியும்? எனவே, தீ மிதிப்பது இறைவன் அருளால்தான் என்று பலர் நினைக்கிறார்கள், நம்புகிறார்கள். ஆனால், இந்த நம்பிக்கை முற்றிலும் தவறு.

கோயிலில் தீ மிதிக்கின்றவர்களை அழைத்து ஒரே ஒரு நெருப்புத் துண்டை சாம்பல் நீக்காமல் தரையில் போட்டு மிதிக்கச் சொன்னால் எப்படிப்பட்ட பக்தனாய் இருந்தாலும் சுட்டுவிடும், கால் வெந்துவிடும்.

பின் ஏன் தீக்குழியில் இறங்கி நடக்கும்போது சுடுவதில்லை?

தீக்குழியில் தீ சுடாமல் இருப்பதற்கு மூன்று முக்கிய காரணங்கள் உள்ளன. 1. நெருப்பு அதிக அளவில் சமமாகப் பரப்பப்பட்டிருக்கும். 2. நெருப்பில் நீறுபூத்த சாம்பல் நீக்கப்பட்டிருக்கும். 3. கால் ஒரே இடத்தில் நிற்காமல் விரைந்து மாறி மாறி எடுத்து வைக்கப்படும் (விரைந்து நடப்பர்).

இந்த மூன்று நிபந்தனைகளுக்கு உட்பட்டு மட்டுமே தீ மிதிக்கப்படுகிறது.

சாம்பல் நீக்கப்படாத நெருப்பில் யாரும் தீ மிதிக்க முடியாது. அதனால்தான் முறத்தால் அல்லது வேப்பிலையால் விசிறி சாம்பலை நீக்குவார்கள்.

மேடு பள்ளமான நெருப்பில் தீ மிதிக்க முடியாது. அதனால்தான் அடித்து நொறுக்கிச் சமப்படுத்துகிறார்கள்.

ஒரே இடத்தில் நின்று தீ மிதிக்க முடியாது. அதனால்தான் விரைந்து ஓடிக்கொண்டே யிருக்கிறார்கள்.

உள்ளங்கையில் ஒரு நெருப்புத் துண்டைப் போட்டு இரண்டு உள்ளங்கைக்கும் அதை விரைந்து மாற்றிக் கொண்டேயிருந்தால் சுடாது. ஆனால், ஒரே உள்ளங்கையில் சற்று நேரம் நெருப்பை வைத்திருந்தால் சுட்டுவிடும்.

அடுப்பில் சிதறி விழும் தணல் நெருப்பைப் பெண்கள் விரலால் சட்டென்று எடுத்து மீண்டும் அடுப்பில் போடுவார்கள். ஆனால், சாம்பல் பூத்த நெருப்பைத் தொடமாட்டார்கள். தொட்டால் சுடுவது மட்டுமல்ல; கொப்பளித்து விடும். சுடுசாம்பல் பசை போல் ஒட்டிக் கொள்வதே அதற்குக் காரணம்.

ஆக, இக்காரணங்களால்தான் தீ மிதிக்கும்போது சுடுவதில்லையே தவிர மற்றபடி இறைவன் அருளால் அல்ல. ஒரே இடத்தில் நின்று எந்த பக்தனாலும் தீ மிதிக்க முடியாது. பழுக்கக் காய்ச்சிய செப்புத் தகட்டில் எந்த பக்தனும் நடக்க முடியாது!

Share
 

முந்தைய மாத இதழ்

அன்பு அன்பு அன்பு என்பது அனைவரின் மனதிலும் அடியினில் சுரந்திடல் தெளிவாகும்! இன்பம் கனிவுடன் இரக்கமும் கருணையும் இணைந்தலை* புரண்டது வெளியாகும்!   ... மேலும்
பெரியார் பிஞ்சுகள் மாநாடு பெரியார் பிஞ்சுகள் மாநாடு பெரியார் பிஞ்சுகள் மாநாடு பெயருக்குப் பொருந்தச் சீரோடு அறியா மையினை வேரோடு அகற்றிடப் பிறந்த மாநாடு! உலகம் இதுவரை காணாத ஒப்பற்ற முதலாம... மேலும்
நமக்கான விழாக்களும், நாசகார பண்டிகைகளும் நமக்கான விழாக்களும், நாசகார பண்டிகைகளும் -சரவணா இராஜேந்திரன் ஆகஸ்ட் மாத இறுதியில் இந்தியா முழுவதும் திருவிழாக்கோலம் பூண்டுவிடும். செப்டம்பர் மாதம் விநாயகர் சதுர்த்தி என்று ஒருதரப... மேலும்
அய்ன்ஸ்ரூலி அய்ன்ஸ்ரூலி அறிவியல் படக்கதை யாழு சிவா & ராஜ் சிவா மேலும்
செய்து அசத்துவோம் செய்து அசத்துவோம் சிறிய இருக்கை தேவையான பொருட்கள்: 1. 3ஜ்3 செ.மீ. அளவுள்ள தடிமனான வண்ண அட்டை. 2. 12 தீக்குச்சிகள், 3. பெவிகால் பசை. செய்முறை 1.     முதல... மேலும்