Home திறமை
சனி, 22 செப்டம்பர் 2018

தற்போதைய இதழ்

Previous அடுத்து
  • 1
  • 2
அவர் வழி செல்வோம்! சிறுவர் பாடல் தந்தை பெரியார் எனும்போதே தமிழன் தலைதான் நிமிர்ந்திடணும் சிந்தை மகிழ்ந்துநாம் வாழ்வதெலாம் சீரிய அவர்தம் உழைப்பால்தான்   வ... மேலும்
சின்னக் சின்னக் கதைகள் திருந்து தோட்டத்தில் ஒரு பழச்செடி. வெட்டுக்கிளி ஒன்று செடியின் இலைகளைக் கடித்துத் தின்றுகொண்டிருந்தது. பழம் தின்னப் பறந்து வந்த பச்சைக்கிள... மேலும்
வடகிழக்குப் பருவமழை வடகிழக்குப் பருவமழை இயற்கை - சரவணா ராஜேந்திரன் இந்திய தீபகற்பத்தில் மே இறுதிவாரம் தென்மேற்கு பருவமழை தன்னுடைய வருகையைப் பதிவு செய்த பிறகு செப்டம்பர் முதல... மேலும்
திறமை
PDF  | Print |  E-mail
User Rating: / 0
PoorBest 

உயர்ந்த பனைமரம்.

அதன் ஓலை நுனியில் கூடுகட்டிக் கொண்டிருந்தது ஒரு தூக்கணாங்குருவி.

தன் சின்ன அலகால் ஓலையின் ஓரத்திலிருந்து இழை எடுத்து பின்னல் வேலைப்பாடுடன் கூட்டை அமைத்துக் கொண்டிருந்தது. இதைப் பக்கத்து மரத்தில் இருந்து வியந்து பார்த்தது ஒரு குயில்.

சட்டெனப் பறந்து தூக்கணாங்குருவியின் அருகில் சென்றது. “இப்படி அழகாகக் கூடு கட்டுகிறாயே யாருக்கு?’’ என்று கேட்டது குயில்.

“நான் முட்டையிட்டு குஞ்சு பொறிக்க, எனக்காகக் கட்டும் கூடு இது. அதனால்தான், பார்த்துப் பார்த்து பாதுகாப்பாய் கட்டுகிறேன்’’ என்றது தூக்கணாங்குருவி.

‘இதுபோல் ஒரு அழகான கூட்டை தன்னால் கட்ட முடியாதே’ என வருத்தத்துடன் அழுதபடி திரும்பியது குயில்.

அங்கிருந்த காகம் குயிலைப் பார்த்து “ஏன் அழுகிறாய்?’’ என்றது.

“அதோ அந்தத் தூக்கணாங்-குருவி கட்டுவது போல் எனக்குக் கூடு கட்டத் தெரியாது. இவ்வளவு நாள் வாழ்ந்து என்ன பலன். இதுகூடத் தெரியாமல் இருந்து விட்டேனே’’ என்று புலம்பியது குயில்.

“உனக்குக் கூடு கட்டத் தெரியாது. உண்மைதான். ஆனால், உன்னைப் போல் தூக்கணாங்குருவிக்கு இனிமையாகக் கூவத் தெரியாதே! அது கட்டிய கூட்டில் அதுதான் மகிழ்ச்சியாக வாழ முடியும்.

நீ பாடும் பாட்டில் இந்த ஊரே மகிழ்ச்சி அடையுமே... உனக்குள் இருக்கும் உன் திறமையை நீ உணர்ந்து கொள்! அதைப் பார்த்து அதுபோல் இருக்க முடியவில்லையே என்று வருந்தாதே!’’ என உணர்த்தியது காகம். அதை உணர்ந்த குயில் பாடிப் பறந்தது. பாடலைக் கேட்டக் காகம் சொன்னது...

“குருவியின் கூடோ தனியுடைமை...!

குயிலின் பாட்டோ பொதுவுடைமை!’’

- மு.கலைவாணன்

Share
 

முந்தைய மாத இதழ்

தொடர் வண்டி ! தொடர் வண்டி !   குபுகுபு குபுகுபு ரயில்வண்டி கூவிச் செல்லுது ரயில்வண்டி சடசட சடசட என்றேதான் சத்தம் செய்யுது ரயில்வண்டி   நீண்டு வளைந்து பாம்பை... மேலும்
செய்து அசத்துவோம் காகிதத் தட்டில் பறவை செய்து அசத்துவோம் காகிதத் தட்டில் பறவை   அன்றாடம் நாம் பயன்படுத்தும் காகிதத் தட்டுகளில் ஒரு பறவை உருவம் செய்து அனுப்பியிருக்கிறார் பெரியார் பிஞ்சு வாசகர் மு.ஹரிஹரன். அவருக்... மேலும்
சிறுத்தை போல சீறி எழுந்தவர்! பெரியாரைப் படம்பிடித்த  பிஞ்சுகளின் சொற்சித்திரங்கள்  சிறுத்தை போல சீறி எழுந்தவர்! பெரியாரைப் படம்பிடித்த பிஞ்சுகளின் சொற்சித்திரங்கள்   மறைமலை நகரில் பெரியார் பிறந்த நாள் கட்டுரைப் போட்டியை இளைஞர் சுயமுன்னேற்றப் பாசறை கடந்த கல்வி ஆண்டில் நடத்தியது. மறைமலைநகர்... மேலும்
தங்க மங்கை ஹிமாதாஸ் தங்க மங்கை ஹிமாதாஸ் 12.7.2018 அன்று நாமெல்லாம் நிம்மதியாக உறங்கிக் கொண்டிருக்கும்போது ஒரு 18 வயது அசாமிய இந்தியப் பெண் உலகத்தையே உலுக்கி எடுத்துவிட்டார். உலக... மேலும்