Home விலங்கிதம்
புதன், 16 ஜனவரி 2019

தற்போதைய இதழ்

Previous அடுத்து
  • 1
  • 2
களை கட்டிய காலை நிகழ்ச்சி களை கட்டிய காலை நிகழ்ச்சி பெரியார் பிஞ்சுகள் மாநாடு திண்டுக்கல்லில் நடைபெற்ற எழுச்சிகரமான பெரியார் பிஞ்சுகள் மாநாட்டில் தமிழ்நாட்டின் அனைத்து பகுதிகளிலுமிருந்து... மேலும்
அல்லும் பகலும் உழைத்திடடா! உழைப்பால் உலகை வென்றிடலாம் உண்மை! இதனை அறிந்திடுவீர்! உழைப்பால் முடியா செயலென்று உலகில் எதுவும் இல்லையென்பீர்!   அடிமேல் அடிகள் அடித்தி... மேலும்
தமிழ்ப் புத்தாண்டு அனைவருக்கும் ஆங்கில – தமிழ்ப் புத்தாண்டு, பொங்கல் வாழ்த்துகள்! தமிழ்ப் புத்தாண்டு அனைவருக்கும் ஆங்கில – தமிழ்ப் புத்தாண்டு, பொங்கல் வாழ்த்துகள்! ஆசிரியர் தை… தை… தை… இயற்கையின் விந்தை எழில் பொங்கும் வித்தை அழிய வேண்டும் அகந்தை ஆக வேண்டும் மேதை மகிழ வைக்கும் விருந்தை குளிர வேண்ட... மேலும்
உங்கா, சிங்கா, மங்கா கதை கேளு… கதை கேளு… விழியன் பள்ளி முடித்துவிட்டு மகிழ்வாக வீடு நோக்கி வந்துகொண்டிருந்தது உங்கா. உங்கா வெள்ளையும் ஆங்காங்கே கறுப்பு வட்ட... மேலும்
நமக்கான விழாக்களும், நாசகார பண்டிகைகளும் நமக்கான விழாக்களும், நாசகார பண்டிகைகளும் விழா நாயகர்கள் சரவணா ராஜேந்திரன் வள்ளுவர், கவுதம புத்தர், வர்த்தமான மகாவீரர், தந்தை பெரியார், அண்ணல் அம்பேத்கர், அறிஞர் அண்ணா, பெருந்தல... மேலும்
விலங்கிதம்
PDF  | Print |  E-mail
User Rating: / 0
PoorBest 

கதை கேளு.... கதை கேளு...

விலங்கிதம்

- விழியன்

முயல்குட்டி வேகமாக ஓடிவந்து கழுகிடம் அந்த செய்தியைச் சொன்னது. கழுகு அந்த செய்தியினை உறுதிபடுத்திக்கொண்டு நரியிடம் தெரிவித்தது. நரி உடனடியாக கரடிகள், குரங்குகள், யானைகள் மற்றும் எல்லா விலங்குகளின் தலைவர்களுக்கும் செய்தியை தெரிவித்தது. அந்த சமயம் தங்கள் இல்லங்களில் ஓய்வில் இருந்த எல்லா விலங்குகளும்  செய்தி கேட்டு கூடின. நடுக் காட்டிற்குச் சென்ற மற்ற விலங்குகளுக்கும் செய்தி பறந்தது. முயல்குட்டி சொன்ன தகவல் இதுதான். வடக்குப் பகுதி கோணிமரத்தின் அருகே ஒரு மனித உடல் வெகுநேரமாய் இருக்கின்றது. எல்லோரும் அந்த மனித உடலுக்கு சில அடிகள் தூரத்தில் குழுமினார்கள்.

அது இறந்த உடலா? இன்னும் உயிர் இருக்கா? என்றது மான் ஒன்று.

நிச்சயம் உடலில் உயிர் இருக்கு. மூச்சுவிடுவது தெரிகின்றது பாருங்கள். ஆனால் அவன் மூச்சுவிட சிரமப்படுகின்றான் என்றது கரடி. அந்தக் கரடி அந்தக் காட்டின் மருத்துவரும்கூட. வேண்டாம் வேண்டாம் என்று சொல்லியும் மருத்துவர் கரடி மனிதனுக்கு அருகே சென்றது. கவிழ்ந்து இருந்த அவனது உடலைத் திருப்பியது. இப்போது அவன் மூச்சுவிடுவது நன்றாகவே தெரிந்தது. அவன் முழுமையாக ஆடை அணியவில்லை. அவன் ஆடையும் அழுக்காகத்தான் இருந்தது. கரடி அவனை மடியில் கிடத்திக்கொண்டது. அருகில் தயங்கி நின்ற மானை வா என்று அழைத்தது. எல்லோரும் அந்த மனித உடலினைச் சூழ்ந்து கொண்டனர். ஏப்பா அவரே மூச்சுவிட சிரமப்பட்றார், காத்து விடுங்க. சுவாசிக்க அது முக்கியம் என்றது மருத்துவர் கரடி. அவன் கைகளைப் பிடித்து நாடி பார்த்தது. உயிர் இருக்கு. உள்ள சாப்பாடு போகல போல. சாப்பிட்டா, சரியாகிடும் என்றது.

நீர்நிலைகள் வறண்டு விட்டிருந்தன. காடும் விலங்குகளுக்கு சுருங்கிவிட்டிருந்தது. நான்கு யானைகள் உடனே அருகே இருக்கும் குட்டைக்குச் சென்றன. தங்கள் தும்பிக்கையில் நிறைய நீரினை உறிந்துகொண்டு வேகமாக நடந்து வந்து அந்த மனிதன் மீது பீய்ச்சி அடித்தன. மனிதனின் உடல் சிலிர்த்தது. நான்கு யானைகள் அடித்த தண்ணீர் அவனை குளிப்பாட்டக் கூட போதுமானதாக இருந்தது. கரடி அவனைத் துடைத்துவிட்டது. லேசாகக் கண் விழித்தான். சுற்றிலும் விலங்குகள் இருப்பதை உணர்ந்தான். பயப்படவில்லை. அவனால் எதுவும் கண் திறந்து செய்யமுடியவில்லை. அதற்குள் குரங்குகள் சில பழங்களைக் கொண்டு வந்தன. கரடி பழத்தைப் பிழிந்து அதன் சாற்றினை அவன் வாயில் விட்டது. மனிதன் குடித்தான். கொஞ்சம் தெம்பு வந்தது. எழுந்து கரடியின் மீது சாய்ந்து அமர்ந்து கொண்டான். கரடி அவன் தலையை வருடிக் கொடுத்தது. மனிதனை முதன்முதலாக பார்த்த முயல் மெல்ல மனிதனிடம் வந்தது.

என்ன முயலாரே; நீ கண்டுபிடித்த மனிதன் நலமாக இருக்கின்றான் என்றது மருத்துவ கரடி. ஆமாம் கரடியாரே, ஆனால் அவருடைய ஆடைகள் கிழிந்து இருந்தன. நான் மனிதர்களை பார்த்திருக்கின்றேன், அவர்கள் ஆடையுடன் தான் இருப்பார்கள். இதோ சில இலைகளைக் கொண்டு ஓர் ஆடையை தைத்து இருக்கின்றேன் என்று சொன்னபடியே அந்த இலை ஆடையைக் கொடுத்தது முயல். கரடி, மனிதனின் இடுப்பில் கட்டிவிட்டது. கழுகு சில பழங்களை பறித்துக் கொண்டு வந்தது. அவனுடைய கையில் கொடுத்ததும் அதனை அவன் கடித்து உண்டான். அவன் விலங்குகளைப் பார்த்து பயப்படவில்லை. எல்லாவற்றையும் பார்த்துப் புன்னகை வீசினான். இரண்டு மணி நேரத்தில் எழுந்து நின்றான். அந்தளவிற்கு அவனுக்கு வலு வந்துவிட்டது. விலங்குகளைப் பார்த்து ஏதோ கையசைத்தான். யாருக்கும் புரியவில்லை.

அவன் வீட்டுக்கு போகணுமாம். அவன் அம்மா தேடுவார்களாம் என்றது குரங்கு. மனிதனின் மொழி அதற்கு புரிந்து இருந்தது. சரி வாருங்கள் எல்லோரும் அந்த பிரதான சாலை வரையில் விட்டுவிட்டு வருவோம் என எல்லா விலங்குகளும் கிளம்பின. யானை அந்த மனிதனைத் தன் மீது ஏற்றிக்கொண்டது. இடுப்பில் முயல் கொடுத்த இலை ஆடை இருந்தது. கைகளில் கழுகு கொடுத்த பழங்களும் இருந்தன. மயிலின் இறகு ஒன்றினை நரியார் கொடுத்தது, அதனை தலையில் சொருகி இருந்தான் அந்த மானிடன். அவன் மிகவும் மகிழ்ச்சியாக இருந்தான். தூரத்தில் அவன் பெயரைச் சொல்லி அழைத்த ஒரு தாயின் பதட்டமான குரல் கேட்டுக்கொண்டு இருந்தது. மது.

Share
 

முந்தைய மாத இதழ்

பெரியாரின் நூல்கள் படி! பெரியாரின் நூல்கள் படி!   பகுத்தறிவை வளர்ப்ப தற்குப் படித்திடுவாய் பெரியார் நூல்கள்; தகுதியுடைத் தலைவ னாகத் தாத்தாவின் நூல்கள் கற்பாய்!   அறிவுக்கே ஒத்து வா... மேலும்
பேரிடர்களிலிருந்து இயற்கைக் காப்போம் பேரிடர்களிலிருந்து இயற்கைக் காப்போம் தமிழ்நாட்டின் கடற்கரையோர மாவட்டங்களில் குறிப்பாக நாகப்பட்டினம் முதல் புதுக்கோட்டை வரை கஜா புயல் ஏற்படுத்தியிருக்கும் பாதிப்புகளைப் பார்த்த... மேலும்
தித்தித்தா விட்ட பட்டம் தித்தித்தா விட்ட பட்டம் கதை கேளு… கதை கேளு… விழியன் கிராமத்திற்குச் சென்று ஊர் திரும்பி இருந்தாள் தித்தித்தா. பள்ளி துவங்கிவிட்டது. முதல் நாள் முதலே பட்டம் விடவ... மேலும்
நச்சுப் பானம் கோகோ கோலா நச்சுப் பானம் கோகோ கோலா கோகோ கோலா என்னும் கொடிய குளிர்பானம். குழந்தைகளைத் தொடர்ந்து பருகச் செய்யும். இதில் உள்ள Aspartame என்னும் வேதிப் பொருள் குழந்தைகளுக்கும் ப... மேலும்
உரிமை சின்னச் சின்னக் கதைகள் கிராமத்து ஓட்டு வீடு. சிட்டுக்குருவி ஒன்று அந்த வீட்டின் உள்ளே ஓட்டு இடுக்கில் கூடு கட்டிக் கொண்டிருந்தது. அதைப் ப... மேலும்