Home ”ரோலிங் சர்ர்ர்ர்ர்”
வியாழன், 21 மார்ச் 2019

தற்போதைய இதழ்

Previous அடுத்து
  • 1
  • 2
ஞாயிறு போன்று ஒளிர்ந்திடு! ஞாயிறு போன்று ஒளிர்ந்திடு! பயனாய் வாழ்வைக் கழித்திடு - தம்பி பயத்தைப் போக்கி வளர்ந்திடு நயமாய்ப் பேசக் கற்றிடு - தம்பி நன்மைகள் செய்ய எண்ணிடு! காலம் போற்றி வாழ... மேலும்
அழகிய பென்சில் ஸ்டேண்ட் அழகிய பென்சில் ஸ்டேண்ட் செய்து அசத்துவோம் வாசன் தேவையான பொருட்கள்: பல வண்ணத்தினாலான அய்ஸ்கிரீம் குச்சிகள், ஒரு சிறிய அட்டைப் பெட்டி, பசை, பெவிக்கால், ரப்பர் பே... மேலும்
சைமனுக்கு கிடைத்த விண் வீழ்கல் சைமனுக்கு கிடைத்த விண் வீழ்கல் கதை கேளு… கதை கேளு… விழியன் மூன்றாவது வரிசையில் இருந்து சத்தம் வந்துகொண்டே இருந்தது. தம்பிங்களா, அதென்ன சத்தம்? வகுப்பை கவனிங்க என்றார் ... மேலும்
மூன்று பேய்களும் அய்ந்து நோய்களும் மூன்று பேய்களும் அய்ந்து நோய்களும் தந்தை பெரியாரின் கதை சுகுமாரன் ஓவியம்: கி.சொ (1) கடவுள், (2) மதமும், ஜாதியும், (3) ஜனநாயகம் _ இம்மூன்றும் இந்நாட்டை பிடித்துள்ள பேய்கள்... மேலும்
பூ மட்டுமா? பூ மட்டுமா? த.மரகதமணி இது என்ன? எலுமிச்சை பழம். இதுக்கு முன்னாடி? எலுமிச்சங்காய். இது என்ன? வாழைப்பழம். இதுக்கு முன்னாடி? வாழைக்காய். இந்த நகைச்ச... மேலும்
”ரோலிங் சர்ர்ர்ர்ர்”
PDF  | Print |  E-mail
User Rating: / 0
PoorBest 

கதை கேளு கதை கேளு

விழியன்

ரோலிங் சர்ர்ர்ர்ர் என்ற குரல் வந்ததும் காட்டுவழிப் பாதையின் மீது எல்லோர் கண்களும் திரும்பின. படத்தின் இயக்குநர் கரப்பான்பூச்சி பூஞ்சைய்யா, டைரக்டர் என்று எழுதி இருந்த இருக்கையில் அமர்ந்து இருந்தது. கேமராவை குப்லி கரடி கையாண்டது. படப்பிடிப்பு தளத்தில் நிறைய மான்களும், முள்ளம்பன்றிகளும் உதவி செய்துகொண்டிருந்தன. இன்றைய காட்சி மிகவும் உருக்கமான காட்சி. பல ஆண்டுகளுக்குப் பின்னர் தாயும் மகனும் காட்டிற்குள் சந்திக்கின்றார்கள். தாயாக நடிப்பது கஞ்சிரா என்ற குரங்கு. உண்மையில் கஞ்சிரா ஒரு ஆண் தான் ஆனால் பெண் வேடமிட்டு இன்று தாயாக நடிக்கின்றது. அச்சோ இன்னும் கதையின் நாயகனைப் பற்றி சொல்லவில்லையே. நாயகன் லிபு என்ற குட்டிப்புலி. லிபு தான் மகனாக நடிக்கின்றது.

லிபுவின் குட்டி வரலாற்றையும் நாம் தெரிந்துகொள்வோம். லிபுவிற்கு சின்ன வயதில் இருந்தே சினிமாவில் நடித்துவிட வேண்டும் என்று ஆசை. தன் காட்டின் அருகே ஒரு படப்பிடிப்பு நடந்தபோது அதனைப் பார்த்து நடிக்க ஆசை வந்தது. சிறுவயதில் நடந்த அந்த படப்பிடிப்பிலும் கஞ்சிரா தான் நடித்து இருந்தது. அதற்கு கொடுத்த மரியாதையையும் பக்கத்து காடுகளில் இருந்து வந்து மற்ற விலங்குகள் கையெழுத்து வாங்கியதையும்  பார்த்து இன்னும் ஆசை அதிகரித்தது. எப்படியேனும் அந்த பிரகாச விளக்கின் முன்னர் நின்றுவிட வேண்டும். காட்சியை நடித்து முடித்தவுடன் செட்டில் இருப்பவர்கள் எல்லோரும் கைத்தட்டிவிட வேண்டும் என நினைத்தது. ஆனால் ஒருமுறை தன் தாயுடன் திரையரங்கிற்குச் சென்று பாதியிலேயே ஓடிவந்து விட்டது லிபு. யானை என்றால் லிபுவிற்கு பயம். படத்தில் யானை ஒன்று திரையில் தோன்றியதுமே அம்மாவின் முந்தானையைத் தேடியது. ஒரு காட்சியில் யானை திரையில் ஓடிவருவதைப் பார்த்து திரையரங்கைவிட்டே ஓடோடி வீட்டிற்கு வந்துவிட்டது. அதன் பின்னர் திரையரங்கம் பக்கம் தலைவைத்தே படுக்கவில்லை. ஆனால் திரைப்பட சுவரொட்டிகளைப் பார்க்கும், திரை விமர்சனங்களைப் படிக்கும்.

ரோலிங் சர்ர்ர்ர் சொல்லும் இணை இயக்குநரான மானின் கை காலை பிடித்து இந்த கதாபாத்திரத்தை வாங்கி இருக்கின்றது. தன் அம்மாவிடம் கூட சொல்லவில்லை. காட்சிக்காக அது ஆசையாசையாக வளர்த்த மீசையை வெட்டிக் கொண்டது. ஒப்பனைக் கலைஞரிடம் எப்படியாச்சும் வண்ணம் தீட்டி மறைக்கமுடியாதா என மன்றாடியது. ஆனால் ஒரே பிடியாக வெட்டியாக வேண்டும் என மீசையை வெட்டியது.

என்னப்பா அந்த லிபுகிட்ட காட்சியை சொல்லியாச்சா என விசிறிக்கொண்டே கேட்டது பூஞ்சைய்யா. சொல்லியாச்சு சார், அரை கிலோமீட்டர் தூரத்தில் இருந்து லிபு ஓடி வரணும், வந்து தன் தாயை பார்த்ததும் அம்மா... என உருகி அழைத்து கட்டிப்பிடிக்கவேண்டும். தெளிவா சொல்லியாச்சு சார்.

ரோலிங் சர்ர்ர்ர்ர் என்ற குரல் வந்ததும் காட்டுவழிப் பாதையின் மீது எல்லோர் கண்களும் திரும்பின. தூரத்தில் லிபு ஓடி வந்தது.

கட் என்றது பூஞ்சைய்யா.

பல ஆண்டுகள் கழிச்சு அம்மாவை பார்க்க வர்ற ஒரு நடுக்கம் வேண்டாமா?

மீண்டும் ரோலிங் சர்ர்ர்ர்ர்.

கட்

அம்மா..ன்னு காடே அதிர்கின்ற மாதிரி கத்தணும் லிபு

மீண்டும் ரோலிங் சர்ர்ர்ர்ர்.

கட்

கண்ணைக் கீழ வெக்காத லிபு

மீண்டும் ரோலிங் சர்ர்ர்ர்ர்.

கட்

தாடை அதிரணும்..

கஞ்சிரா சார் மேக்கப் கலைஞ்சிடுச்சு

இன்னும் வேகமா ஓடி வா லிபு

இன்னும் சத்தம்..

சுமார் அய்ம்பது ரீ-டேக் எடுத்து-விட்டார்கள். லிபு கடைசியா ஒரு டேக் எடுத்திடலாம். எல்லோரும் சோர்ந்து-விட்டார்கள். கஞ்சிரா சார் கூட கடுப்பா இருக்கார். இப்போது சரியாக நடிக்கின்றேன் என சோர்வாக அந்த அரைகிலோ மீட்டர் தூரத்திற்கு சென்றது.

மீண்டும் ரோலிங் சர்ர்ர்ர்ர்.

காத்திருந்தார்கள். காத்திருந்தார்கள் காத்திருந்தார்கள். லிபு வருவது போலவே தெரியவில்லை. ஆமாம் லிபு படப்பிடிப்பு தளத்தை விட்டு கிளம்பிவிட்டது. ஆப்பிள் பழச்சாறு, ஆரஞ்சு பழச்சாறு, எலுமிச்சை பழச்சாறு என விதவிதமாக கிடைக்கும் என நினைத்தது. ஆனால் தண்ணீர்கூட கிடைக்கவில்லை. தண்ணீர் தாகம், பசி. நேராக வீட்டிற்கு சென்றது. லிபுவின் அம்மா சமையல் பாத்திரங்களை எல்லாம் கழுவி முடித்திருந்தது.

என்ன லிபு எங்க போயிட்ட? எங்க சாப்பிட்ட? இவ்வளவு நேரம் காத்திருந்து இப்ப தான் சாப்பாட்டை எல்லாம் எறும்புக்கு கொடுத்திட்டு கழுவி வெச்சேன். என்ன எங்காச்சும் பலமான சாப்பாடா? அடேய் என்ன மீசை எல்லாம் வெட்டிருக்க என்றது.

அம்மா... என்று உருக்கமாக கத்தியது.

ஆனால் கட் என யாருமே சொல்லவில்லை. உடனே சீக்கிரம் தன் மகனுக்கு உப்புமா சமைத்து கொடுத்தது. நடந்தை சொல்லச் சொல்ல தாயார் விழுந்து விழுந்து சிரித்தார்கள். அம்மா, இதை என் நண்பர்களிடம் எல்லாம் சொல்லக்கூடாது என வாக்குறுதி வாங்கிக் கொண்டது. ஆனால் ஏதேனும் குறும்புத்தனம் செய்தால் உடனே தாயார் ரோலிங் சர்ர்ர்ர்ர் எனச் சொல்லும்.

Share
 

முந்தைய மாத இதழ்

பெருமையுரு! பெருமையுரு! பிப்ரவரி 21 - உலகத் தாய்மொழி நாள் தவறே யின்றித் தாய்மொழியைத் தம்பி முதலில் கற்றிடுவாய்; அவமா னங்கள் இதிலில்லை; அயலார் மொழியும் இருக்கட... மேலும்
மலேசியக் குழந்தைகள் மத்தியில் பயணிக்கும் பெரியார் மலேசியக் குழந்தைகள் மத்தியில் பயணிக்கும் பெரியார் மலேசிய நாட்டின் பல்வேறு ஊர்களில் உள்ள தமிழ்ப்பள்ளிகளில் பயிலும் 300க்கும் மேற்பட்ட மாணவர்களுக்கு பெரியார் பிஞ்சு இதழ்கள் மற்றும் பெரியார் ... மேலும்
டயோ – தியோ டயோ – தியோ கதை கேளு… கதை கேளு… விழியன் டயோவினை கூட்டில் காணவில்லை. தாரிகாவும் அவள் தம்பியும் வீடு முழுவதும் தேடிவிட்டார்கள். கண்டுபிடிக்க முடியவில்... மேலும்
காலப் பயணம் செய்யலாமா? கால இயந்திரம் சரவணா இராஜேந்திரன் காலப்பயணம் _ நாம் எல்லோரும் இந்த வார்த்தையைக் கேட்டிருக்க வாய்ப்புகள் உண்டு.  காலம், கடந்து பயணம் செய்யும... மேலும்
குதிக்கும் டால்பின் குதிக்கும் டால்பின் செய்து அசத்துவோம் வாசன் 1.     3X5 இன்ச் அளவுள்ள இரண்டு அட்டைகளை எடுத்துக்கொண்டு இரண்டையும் பசை தடவி ஒட்டிக் கொள்ளவும். 2.     பிறகு ப... மேலும்