Home நமக்கான விழாக்களும், நாசகார பண்டிகைகளும்
வியாழன், 22 ஆகஸ்ட் 2019

தற்போதைய இதழ்

Previous அடுத்து
  • 1
  • 2
கதை கேளு... கதை கேளு : அன்பால் உருவான பாலம் கதை கேளு... கதை கேளு : அன்பால் உருவான பாலம் விழியன் இரவு முழுதும் சியா எறும்பு தூங்கவில்லை. யாரையும் தூங்கவிடவும் இல்லை. தன் அறையில் இருந்த எல்லா எறும்புகளும் மாறி மாறி கேள்விகள் கே... மேலும்
பிஞ்சு & பிஞ்சு பிஞ்சு & பிஞ்சு பிஞ்சுகளே! உங்கள் படமும் இப்பக்கத்தில் இடம்பெற நீங்கள் செய்ய வேண்டியது இதுதான்! நீங்கள் ‘பெரியார் பிஞ்சு’ இதழைப் படிப்பது போல, வித்தியாசம... மேலும்
சின்னச் சின்னக் கதைகள் : மூடத்தனம் சின்னச் சின்னக் கதைகள் : மூடத்தனம் ஊருக்கு ஒதுக்குப்புறம், பாழடைந்த மண்டபம். அதில் வௌவால் ஒன்று குடியிருந்தது. அது இருட்டியதும் வெளியில் சென்று சுற்றித் திரிந்து இரைதேடித... மேலும்
குறுக்கெழுத்துப் போட்டி குறுக்கெழுத்துப் போட்டி கேள்விகள் - சிவக்குமார், ராஜபாளையம் மேலிருந்து கீழ் 1.            இந்தியத் துணைக்கண்டத்தின் முதல் பெண் பிரதமர் (4) 2.            இந்தச் ச... மேலும்
அறிவுச் சேட்டைகளின் கோட்டை! பழகு முகாம்! அறிவுச் சேட்டைகளின் கோட்டை! பழகு முகாம்! உடுமலை சிறிய உருவங்கள்; பெரிய சிந்தனைகள்! பழகுமுகாமின் நான்காம் நாளில் (9.5.19) தஞ்சை சரபோஜி அரண்மனைக்குச் சுற்றுலா சென்றிருந்தபோது, திட... மேலும்
தானாக ’செஸ்’ விளையாடக் கற்ற கணினி தானாக ’செஸ்’ விளையாடக் கற்ற கணினி அந்தக் கணினி செஸ் ஆடியபோது விஸ்வநாதன் ஆனந்த் வாய் பிளந்து நின்றார். அதைப் பற்றிக் கேட்டபோது “ கொஞ்சம் பயமாக தான் இருக்கிறது” என்றார். கூக... மேலும்
நமக்கான விழாக்களும், நாசகார பண்டிகைகளும்
PDF  | Print |  E-mail
User Rating: / 1
PoorBest 

விழா நாயகர்கள்

சரவணா ராஜேந்திரன்

வள்ளுவர், கவுதம புத்தர், வர்த்தமான மகாவீரர், தந்தை பெரியார், அண்ணல் அம்பேத்கர், அறிஞர் அண்ணா, பெருந்தலைவர் காமராஜர் இவர்களின் வரலாற்றை நாம் பள்ளிப் பாடங்களில் படித்திருக்கிறோம். இவர்களின் சமூகப் பங்களிப்பின் காரணமாக இவர்களது பிறந்த நாளை விழாவாக அரசு கொண்டாடுகிறது.

இவர்களின் பிறந்த நாள் விழாக்களின் போது அவர்கள் சமூகத்தின் முன்னேற்றத்திற்கு, அமைதிக்கு, ஒற்றுமைக்கு இன்னும் மானுடம், பொதுநலம் சார்ந்த பணிக்காக அவர்களின் பங்களிப்பை அரசும் மக்களோடு சேர்ந்து நினைவு கூர்கிறது, இதில் புத்தர், மகாவீரர் போன்றோரின் கொள்கைகள் பெருவாரியான மக்களால் ஏற்றுக் கொள்ளப்பட்டு அவை மதமாக மாறிவிட்டன.  இருப்பினும் புத்தரும் மகாவீரரும் மதம் என்ற எல்லையைக் கடந்து அனைத்து மனிதர்களுக்கும் பொதுவானவர்களாக இன்றும் நினைவில் வைக்கப்படுகிறார்கள்.

கவுதம புத்தர்

பிறப்பு ஆண்டு: கி.மு.563, லும்பினி (நேபாளம்). மறைந்த  ஆண்டு: கி.மு.483, குஷிநகர் உ.பி. (இந்தியா).

இதேபோல் தான் மத்திய ஆசியாவின் அரேபியப் பகுதியில் பிறந்த ஏசுவும், நபிகள் நாயகமும், புத்தர், மகாவீரரைப் போன்றே அம்மக்களின் நன்மைக்காக பேசியவர்கள். அவர்களின் கோட்பாட்டை பிற்காலத்தில் வந்தவர்கள் மதமாக மாற்றினார்கள்.

இயேசு மற்றும் நபிகள் நாயகத்தின் பிறந்த நாள் மற்றும் அவர்களின் வாழ்க்கையில் நடந்த முக்கிய தருணங்கள் என்று கருதப்படுபவற்றை அம் மதத்தைச் சார்ந்தவர்கள் பிரபலமாகக் கொண்டாடுகின்றனர். அந்நாளில் இருந்த சமூகச் சூழலில் அவர்களின் கருத்துகள் புதுமையானதாக இருந்தன. மதம் என்று மாறிய பின் அனைத்திலும் மூடநம்பிக்கைகள் நிறைந்துவிட்டன.

ஒரு விழா என்பதன் மய்யக் கருத்து என்ன? சமூகத்தில் விழிப்புணர்வு கொண்டுவருவது, ஆடம்பரமில்லாதது, மக்களுக்கு விழா நாயகர்களின் தொண்டறத்தையும் சமூக நற்பணிகளையும் நினைவு படுத்துவது போன்றவற்றுடன் சமூக விழாக்கள் என்பவை நமது பண்பாட்டை, நமது உழைப்பின் வெற்றியைக் கொண்டாடுவதாக அமையவேண்டும். தலைவர்களின் பிறந்த நாள்களை நன்றியுணர்வுடன் நாம் கொண்டாடுவதும் வழிபாடாக மாறிவிடாமல், சமூக சீர்திருத்த நோக்கத்திற்காகவே இருக்க வேண்டும்.

மகாவீரர்

கி.மு.599 வைசாலி, பிகார்.

கி.மு.528 பவபூரி, பிகார்.

உலகில் பல்வேறு விழாக்கள் சமூக அமைதிக்கும்,  இயற்கைக்கு நலம் விளைவிக்கும் வகையிலும் கொண்டாடப்படும் திருவிழாக்களாக உள்ளன. முக்கியமாக நமது திராவிட நாகரிகம் பரவிய பகுதி என்று கூறப்படும், இந்தியப் பெருங்கடலின் தென்கிழக்கில் உள்ள ஆஸ்திரேலியா முதல் மேற்கே உள்ள மடகாஸ்கர் மற்றும் மொரீசியஸ் தீவுகள் வரை அறுவடைத் திருவிழா பெரும் உவகையுடன் அந்தந்த மக்களால் கொண்டாடப்படுகிறது.

லத்தீன் அமெரிக்க நாடுகளில் நடக்கும் விழாக்கள், அனைத்து மக்களுமே ஒன்றாக இணைந்து கொண்டாடும் பெருவிழாக்களாக இன்றளவும் நடைபெறுகின்றன.

அண்ணல் அம்பேத்கர்

பிறப்பு: 14 ஏப்ரல் 1891.

மறைவு: 6 டிசம்பர் 1956.

நாமும், அனைவரும் இணைந்து மகிழ்வோடு ஒரு விழாவைக் கொண்டாடுகிறோம்! அதுதான் பொங்கல்! பொங்கல் நமக்கான விழா,  ஆண்டுதோறும் வயல்வெளியில் உழைத்து உழைத்துக் கிடைத்த பலனை அனைவருடனும் இணைந்து கொண்டாடுவதே உண்மையான விழாவாகும். இதற்கு பொங்கல் மிகச்சிறந்த எடுத்துக்காட்டு ஆகும்.

ஆடம்பரம் இல்லாமல் அமைதியாக ஊரே சேர்ந்து கொண்டாடும் பொங்கல் போன்ற விழாக்கள் தான் நமக்கான விழாக்கள் ஆகும். இதுதான் சமூகத்திடையே ஒற்றுமையையும் மகிழ்வையும் தருவதோடு, சுற்றுப்புறச் சூழலுக்கு எந்தவொரு பாதிப்பும் ஏற்படுத்தாமல், கால்நடைகளும்   நம் கொண்டாட்டத்தில் இணைந்து கொள்ளும் திருவிழாவாகும்.

தந்தை பெரியார்

பிறப்பு: 17 செப்டம்பர் 1879.

மறைவு: 24 டிசம்பர் 1973.

சிற்றூர்களில் பொங்கல் அன்று நாம் வீட்டு வாசலில் கட்டும் நெற்கதிர்களை சிட்டுக்குருவிகள் கொத்தித் தின்பதைக் கண்டிருப்பீர்கள். இப்படி அனைத்து உயிரினங்களும் பயனுறக் கொண்டாடும் விழாவைப் போன்றே நம் விழாக்கள் இருக்கவேண்டும்.

அப்படி இல்லாமல் தேவையற்ற செலவுகளுடன், சுற்றுப்புறச்சூழல் சீர்குலைவு, உடல் பாதிப்பு, சமூக ஒற்றுமையைச் சிதைத்தல், பிறரை இழிவுபடுத்தப் பயன்படும் தீபாவளி போன்ற பண்டிகைகளை நாம் புறக்கணிக்க வேண்டும். மதப் பார்வையின்றி அனைவரும் பொதுவாக மகிழ்வுடன் கொண்டாடும் பொங்கல் போன்ற நமது விழாக்களை உற்சாகத்துடன் நாம் கொண்டாடவேண்டும்.

(நிறைவு)

Share
 

முந்தைய மாத இதழ்

சாணி தெளிக்கவில்லையானால் மூதேவி நுழைவாளா? சாணி தெளிக்கவில்லையானால் மூதேவி நுழைவாளா? சிகரம் காலையில் எழுந்தவுடன் வீட்டிற்குமுன் பெண்கள் சாணி கலந்த நீரைத் தெளிப்பார்கள். கிராமங்களைப் பொறுத்தவரை இது எல்லா வீடுகளிலும் கடைப்பி... மேலும்
"தமிழ்க் கரும்பால் ஆங்கிலச் சுவை அறிவோம்” கரும்பின் சுவை நமக்குத் தெரியும். கரும்பின் சத்து இது... இது... இன்னது என்பதைத் தெரிந்துகொள்ள வேண்டாமா? அதுபோல இங்கே ஆங்கிலத்தில் பேசுவதற... மேலும்
புவியை ஆளலாம்! புவியை ஆளலாம்! காலை மாலை வேளைகளில் நடை நடக்கலாம்! காற்று வாங்கி கடற்கரையில் களைப்பைப் போக்கலாம்! நூலகத்தை நாடிப் படித்து அறிவில் உயரலாம்! நுண்ணறிவு... மேலும்
தேசியக் கல்விக் கொள்கை - உங்கள் கருத்து என்ன? தேசியக் கல்விக் கொள்கை - உங்கள் கருத்து என்ன? கஸ்தூரிரங்கன் தலைமையிலான குழுவினர் உருவாக்கிய புதிய தேசியக் கல்விக் கொள்கை _ -2019க்கான வரைவை மத்திய அரசு வெளியிட்டிருக்கிறது. கல்வியாளர்க... மேலும்
உயர்வு உயர்வு ‘அறிவும் திறனும் நிறைந்திருந்தால் அகிலம் தன்னில் உயர்ந்திடலாம் - எனும் செறிவாம் உலகக் கருத்தினிலே சிறிய மாற்றம் நாம்காண்போம்;   அறிவு... மேலும்