Home நூற்றாண்டு காணும் அன்னை
திங்கள், 25 மார்ச் 2019

தற்போதைய இதழ்

Previous அடுத்து
  • 1
  • 2
ஞாயிறு போன்று ஒளிர்ந்திடு! ஞாயிறு போன்று ஒளிர்ந்திடு! பயனாய் வாழ்வைக் கழித்திடு - தம்பி பயத்தைப் போக்கி வளர்ந்திடு நயமாய்ப் பேசக் கற்றிடு - தம்பி நன்மைகள் செய்ய எண்ணிடு! காலம் போற்றி வாழ... மேலும்
அழகிய பென்சில் ஸ்டேண்ட் அழகிய பென்சில் ஸ்டேண்ட் செய்து அசத்துவோம் வாசன் தேவையான பொருட்கள்: பல வண்ணத்தினாலான அய்ஸ்கிரீம் குச்சிகள், ஒரு சிறிய அட்டைப் பெட்டி, பசை, பெவிக்கால், ரப்பர் பே... மேலும்
சைமனுக்கு கிடைத்த விண் வீழ்கல் சைமனுக்கு கிடைத்த விண் வீழ்கல் கதை கேளு… கதை கேளு… விழியன் மூன்றாவது வரிசையில் இருந்து சத்தம் வந்துகொண்டே இருந்தது. தம்பிங்களா, அதென்ன சத்தம்? வகுப்பை கவனிங்க என்றார் ... மேலும்
மூன்று பேய்களும் அய்ந்து நோய்களும் மூன்று பேய்களும் அய்ந்து நோய்களும் தந்தை பெரியாரின் கதை சுகுமாரன் ஓவியம்: கி.சொ (1) கடவுள், (2) மதமும், ஜாதியும், (3) ஜனநாயகம் _ இம்மூன்றும் இந்நாட்டை பிடித்துள்ள பேய்கள்... மேலும்
பூ மட்டுமா? பூ மட்டுமா? த.மரகதமணி இது என்ன? எலுமிச்சை பழம். இதுக்கு முன்னாடி? எலுமிச்சங்காய். இது என்ன? வாழைப்பழம். இதுக்கு முன்னாடி? வாழைக்காய். இந்த நகைச்ச... மேலும்
நூற்றாண்டு காணும் அன்னை
PDF  | Print |  E-mail
User Rating: / 0
PoorBest 

வரலாறு

வை.கலையரசன்

உலக வரலாற்றில் ஒரு நாத்திக மக்கள் இயக்கத்தின் தலைமையேற்று திறம்பட நடத்திய முதல் பெண்மணி அன்னை மணியம்மையார். உலகின் ஒரே நாத்திக நாளேடான விடுதலை நாளிதழைப் பதிப்பித்து அதில் வெளிவந்த சில படைப்புகளுக்காக நீதிமன்றம் வரை சென்றவர் அவர்.

அன்னை மணியம்மையார் 1920ஆம் ஆண்டு மார்ச் 10ஆம் நாள் வேலூரில் பிறந்தவர். இவரது தந்தை கனகசபை, பெரியாரின் தொண்டராவார். தமது பள்ளிக் கல்வியை வேலூரில் முடித்த அன்னை மணியம்மையார், குலசேகரப்பட்டினத்தில் சி.டி.நாயகம் கல்லூரியில் புலவர் பட்டப் படிப்பினைப் படித்தார். உடல்நலம் சரியில்லாமையால் தேர்வு எழுதவில்லை.

1943ஆம் ஆண்டு தந்தை பெரியாரிடம் தொண்டு செய்வதற்காக வந்தார். பெரியாரின் சுற்றுப் பயணத்தில் உதவியாளராக இருந்து தந்தை பெரியாரின் உரைகளைத் தொகுத்து எழுதுதல், புத்தகங்களைப் பரப்புதல் போன்ற பணிகளைச் செய்து வந்தார். 1948ஆம் ஆண்டு அன்றைய காங்கிரஸ் அரசு இந்தியைத் திணித்ததைக் கண்டித்து தந்தை பெரியாரின் தலைமையில் திராவிடர் கழகம் போராட்டங்களை, மறியல்களை நடத்தியது. அந்தப் போராட்டத்தில் கும்பகோணத்தில் பங்கேற்று சிறைசென்றார்.

தமக்குப் பின் தமது சொத்துகள் மக்கள் அறப்பணிகளுக்குப் பயன்பட வேண்டும் என்று கருதிய தந்தை பெரியார், அந்தச் சொத்துகளை ஓர் அறக்கட்டளை மூலம் ஏற்பாடு செய்து தன்னலமற்ற தமது உதவியாளரான அன்னை மணியம்மையாரிடம் ஒப்படைக்க வேண்டும் என எண்ணினார். அந்தக் காலத்தில் பெண்களுக்கு சொத்துரிமை இல்லை. எனவே, அன்னை மணியம்மையாரை வாரிசாக நியமிப்பதில் சிக்கல் ஏற்பட்டது. இந்தக் காரணத்தால் மணியம்மையாரை  திருமணம் செய்து கொண்டால் தனக்குப் பின்னும் தமது சொத்துகள் தனக்கு நம்பிக்கைக்குரிய அன்னை மணியம்மையாருக்குச் சென்றடையும் அதன் மூலம் மக்கள் பணிக்கு அவை பயன்படும் என்பதால் 1949ஆம் ஆண்டு திருமணப் பதிவை செய்து சட்டப்படியான தமது வாரிசாக்கினார்.

அன்னை மணியம்மையாரும் அந்த நம்பிக்கையைக் காப்பாற்றி தந்தை பெரியாரின் அனைத்து சொத்துகளையும் பொது அறக்கட்டளையாக்கி பள்ளிகள், குழந்தைகள் இல்லம் உள்ளிட்ட நிறுவனங்களை உருவாக்கி வளர்த்தார். இன்று அந்த நிறுவனங்கள் பல்கலைக்கழகம் அளவிற்கு வளர்ந்து மக்களுக்குப் பயனைத் தருகின்றன.

தொடர்ந்து அன்னை மணியம்மையார் தந்தை பெரியாரின் அவரது உடல்நலத்தைப் பேணிப் பாதுகாத்தார். உணவுகள் அவரது உடல்நலத்தை பாதிக்காவண்ணம் பக்குவமாகச் சமைத்துத் தந்து, செவிலித்தாயாய் இருந்து பாதுகாத்தார்.

1958ஆம் ஆண்டு தந்தை பெரியார் ஜாதி ஒழிப்புப் போராட்டம் பற்றிய உரைக்காக வழக்கு தொடரப்பட்டு சிறையில் இருந்தார். அப்போது திராவிடர் கழகப் பணிகளைத் தீரமுடன் கவனித்தார் அன்னை மணியம்மையார். தமிழ்நாடு முழுவதும் சுற்றுப்பயணம் செய்தார். ஜாதி ஒழிப்புப் போராட்டத்தில் கலந்துகொண்ட இரண்டு தோழர்கள் சிறையில் இறந்துவிட்டனர். சிறை நிர்வாகம் அவர்களது உடலைத் தராமல் சிறையிலேயே அடக்கம் செய்துவிட்டது.

இதனைக் கண்டு கொந்தளித்த அன்னை மணியம்மையார் முதலமைச்சர் காமராசரை நேரில் சந்தித்துப் பேசி இறந்த தோழர்களின் உடல்களைத் தோண்டி எடுக்கச் செய்து, திருச்சியில் மாபெரும் ஊர்வலத்தை நடத்தி அடக்கம் செய்தார்.

திருச்சியில் நாகம்மையார் குழந்தைகள் இல்லமும், பெரியார் தொடக்கப் பள்ளியும் உருவாகக் காரணமாக இருந்தார். எப்போதும் ஆதரவற்ற குழந்தைகளைத் தத்தெடுத்து தன்னுடனேயே வைத்து வளர்த்தார்.

இரண்டு முறை விடுதலையில் வெளியான கட்டுரைகளுக்காக நீதிமன்றம் சென்றார்.

தந்தை பெரியார்  அவர்களின் மறைவிற்குப் பின் திராவிடர் கழகத்திற்குத் தலைவராகத் தேர்ந்தெடுக்கப்பட்டார். நாத்திக இயக்கமான திராவிடர் கழகத்தை யாருக்கும் அஞ்சாமல் சமரசமில்லாமல் நடத்தினார்.

இராவண லீலா நடத்திய போதும், இந்திய ஜனநாயகத்தின் மிக முக்கியமான ஆபத்துக் காலகட்டமான அவசர நிலைக் காலத்திலும் அன்னையாரின் வீரம் உலகுக்குத் தெரிந்தது. தனது 59 ஆம் அகவையில் 1978 மார்ச் 16 அன்று மறைந்த அன்னை மணியம்மையாரின் நூற்றாண்டு 2019 மார்ச் 10 முதல் மிகச்சிறப்பாகக் கொண்டாடப்படும் என்று ஆசிரியர் தாத்தா கி.வீரமணி அவர்கள் அறிவித்துள்ளார். கொண்டாடுவோம் அவர் தொண்டறத்தையும் வீரத்தையும்!

Share
 

முந்தைய மாத இதழ்

பெருமையுரு! பெருமையுரு! பிப்ரவரி 21 - உலகத் தாய்மொழி நாள் தவறே யின்றித் தாய்மொழியைத் தம்பி முதலில் கற்றிடுவாய்; அவமா னங்கள் இதிலில்லை; அயலார் மொழியும் இருக்கட... மேலும்
மலேசியக் குழந்தைகள் மத்தியில் பயணிக்கும் பெரியார் மலேசியக் குழந்தைகள் மத்தியில் பயணிக்கும் பெரியார் மலேசிய நாட்டின் பல்வேறு ஊர்களில் உள்ள தமிழ்ப்பள்ளிகளில் பயிலும் 300க்கும் மேற்பட்ட மாணவர்களுக்கு பெரியார் பிஞ்சு இதழ்கள் மற்றும் பெரியார் ... மேலும்
டயோ – தியோ டயோ – தியோ கதை கேளு… கதை கேளு… விழியன் டயோவினை கூட்டில் காணவில்லை. தாரிகாவும் அவள் தம்பியும் வீடு முழுவதும் தேடிவிட்டார்கள். கண்டுபிடிக்க முடியவில்... மேலும்
காலப் பயணம் செய்யலாமா? கால இயந்திரம் சரவணா இராஜேந்திரன் காலப்பயணம் _ நாம் எல்லோரும் இந்த வார்த்தையைக் கேட்டிருக்க வாய்ப்புகள் உண்டு.  காலம், கடந்து பயணம் செய்யும... மேலும்
குதிக்கும் டால்பின் குதிக்கும் டால்பின் செய்து அசத்துவோம் வாசன் 1.     3X5 இன்ச் அளவுள்ள இரண்டு அட்டைகளை எடுத்துக்கொண்டு இரண்டையும் பசை தடவி ஒட்டிக் கொள்ளவும். 2.     பிறகு ப... மேலும்