Home அறிவுச் சேட்டைகளின் கோட்டை! பழகு முகாம்!
வெள்ளி, 20 செப்டம்பர் 2019

தற்போதைய இதழ்

Previous அடுத்து
  • 1
  • 2
உண்மையான பிறந்தநாள் விழாக்கள் உண்மையான பிறந்தநாள் விழாக்கள் தமிழகத்துக்குத் தமிழ்நாடு என்று பெயர் சூட்டி, மாநில உரிமை காத்த பெருமகன் பேரறிஞர் அண்ணாவின் பிறந்தநாள் (செப்-15), சுயமரியாதையும், பகுத்தற... மேலும்
மகிழ்ச்சிச் செய்தி மகிழ்ச்சிச் செய்தி இம் மாதம் (செப்டம்பர் 21, 22) அமெரிக்காவில் நடைபெறவிருக்கும் "மனிதநேய & சுயமரியாதை மாநாட்டில்" 'பெரியார் பிஞ்சு' இதழ் குறித்தும், பெரி... மேலும்
எதற்கு? எதற்கு? நிலவில் மனிதன் வாழ்வதற்கு பாதைபோடச் சொல்லும் ‘ நிலவுக்கலன் 2 ‘ (சந்திராயன்) விண்வெளித்துறையில் பெரிதும் எதிர்பார்க்கப்-பட்ட ‘சந்திரயான... மேலும்
அறிவுச் சேட்டைகளின் கோட்டை! பழகு முகாம்!
PDF  | Print |  E-mail
User Rating: / 0
PoorBest 

உடுமலை

சிறிய உருவங்கள்; பெரிய சிந்தனைகள்!

பழகுமுகாமின் நான்காம் நாளில் (9.5.19) தஞ்சை சரபோஜி அரண்மனைக்குச் சுற்றுலா சென்றிருந்தபோது, திடீரென்று ’பஞ்ச்’ வசனங்களைச் சொல்லத் தொடங்கிவிட்டனர். பெரியார் பிஞ்சு தியானேஸ்தான் “மை நேம் இஸ் மைனா; அயாம் ஃப்ரம் சைனா!” என்று சொல்லித் தொடங்கி வைத்தான். தனக்குப்பிடித்த நுங்கு சாப்பிடுவதைக்கூட ஒத்திவைத்துவிட்ட இளந்தளிர், “ஏய் மாமி; இங்க இல்ல சாமி!” என்று பஞ்ச் வசனத்தை கொஞ்சம் கொள்கைப் பக்கமாக திருப்பி வைத்தார். பெரியார் பிஞ்சு சீனிவாசன், “ஒரு ரூபாய்னா காசு; பெரியாருன்னா மாசு!” என்று சூழலுக்கு இன்னும் கொஞ்சம் சுதி ஏற்றி வைத்தார். சுற்றி இருந்த பிஞ்சுகள் ’பஞ்ச்’ வசனம் பேசுகின்ற இடத்தைச் சூழ்ந்து கொண்டனர். தொடர்ந்து “சாப்பிடறதுன்னா பூமரு; கடவுள்னா கொஞ்சம் ஓவரு” என்று எழிலன் சொல்ல, தண்மதி “கடவுள்னா வெறும் கல்லு; அம்மா சொல்றதுதான் நல்ல சொல்லு!” என்று இரண்டாவது ‘பஞ்ச்’சை சொல்லி முடித்தார். கவிஞரால் ‘புதியவன்’ என்று பெயரை மாற்றிக் கொள்ளும்படி பரிந்துரைக்கபட்ட; ஈரோட்டைச் சேர்ந்த ஸ்ரீஹரி, “நாங்க இருப்பது பூமி; இங்கு இல்ல சாமி!” என்று சொல்லி பூரிப்படைந்தான். மீண்டும் இளந்தளிரிடம் காதுகொடுத்தால், “மம்மி; கொடுத்த நுங்கு கம்மி!” என்று சொல்லி அய்ந்து சுளைகள் நுங்கு சாப்பிட்ட பிறகும் தனது நுங்கு தாகம் தணியவில்லை என்பதை சூசகமாக உணர்த்தினார். “நீ பாப்பானுன்னா; நான் பெரியார்!” என்று சூழலை மேலும் சூடேற்றினார் தண்மதி! அந்தச் சூடு பழகுமுகாம் வளாகத்திற்குள் நுழையும் வரையும் தொடர்ந்தது. அவர்களது சிந்தனை வற்றாத நதியைப் போல பெருக்கெடுத்துக் கொண்டே இருந்தது.

வீதி நாடகமும்! விழுந்து விழுந்து சிரித்த பெரியார் பிஞ்சுகளும்!

பழகுமுகாமின் நான்காம் நாள் மாலை சிந்தனைக்கும், சிரிப்புக்கும் விருந்தளித்து பிஞ்சுகளை மகிழ்ச்சிக்கடலில் ஆழ்த்தியது  தெற்குநத்தம் சித்தார்த்தன்-_பெரியார் நேசன் குழுவினரின் “வந்து பாருங்கள் தெரியும்” என்ற வீதிநாடகம் ‘ஆரியர்கள் வருகையும் திராவிடர்கள் வீழ்ச்சியும்’, ’பார்ப்பனர் சூழ்ச்சியும் மன்னர்கள் வீழ்ச்சியும்’, ’கிரிக்கெட் மோசடிகள்’, ’கிராமத்தில் கிரிக்கெட்’, ’கிராமத்தில் பிள்ளையார்’, ’கிறித்துவ மதத்தில் மூடநம்பிக்கைகள்’, ’தர்கா மோசடி’ என்ற 7 தலைப்புகளில் நடத்திக் காட்டப்பட்டது. நாடகத்தில் நடித்த வீதிநாடகப் பயிற்றுநர்கள் தெற்குநத்தம் சித்தார்த்தன், பெரியார் நேசன், நடிகர்கள் ராஜவேல், ரமேசு, செந்துறை மதியழகன் ஆகியோர் மிகச் சிறப்பாக நடித்து பிஞ்சுகளின் நெஞ்சைக் கொள்ளையடித்தனர்.

“சொந்தமாக நாடகம் எழுதி நடித்துக் காட்டிய பெரியார் பிஞ்சுகள்’’

பழகுமுகாமின் நிறைவு நிகழ்ச்சியில் (10.05.2019) யாருடைய வேண்டுகோளும் இன்றி, தன்னுணர்வால் உந்தப்பட்டு, “ஸ்டெர்லைட் ஆலையும்; விவசாயமும்’’ என்ற தலைப்பில் ஓர் அருமையான மேடை நாடகத்தை நடித்துக்காட்டிய  சந்தோஷ், புதியவன் (ஸ்ரீஹரி), அவனிகோ இளந்திரையன், தியனேஷ், தமிழ் அமுதன்  ஆகியோர் அனைவரின் பாராட்டுகளையும்  அள்ளிச் சென்றனர். குறிப்புப் புத்தகத்தில் பழகுமுகாம் நிகழ்வுகளை முறையாக பதிவு செய்திருந்த அவனிகோ இளந்திரையன் மற்றும் நிகழ்ச்சியின் இடையில் கேட்கப்பட்ட கேள்விகளுக்கு சரியாக பதிலளித்த பாவனாவுக்கு   ஆசிரியர் தாத்தா எழுதிய “வாழ்வியல் சிந்தனைகள்’’ புத்தகங்களை பரிசாக அளித்து மகிழ்ந்தார் மானமிகு வீ.அன்புராஜ்!

மீண்டும் அடுத்த ஆண்டில் என்னென்ன-வெல்லாம் வேண்டும் பழகு முகாமில் என்று ஒரு பெரும் பட்டியல் பிஞ்சுகளிடம் இருக்கிறது. அவற்றை நிறைவு செய்யும் வகையில் அடுத்த நிகழ்வைத் திட்டமிடுவதுதான் இப்போதைய சவால்!

நிறைவு

Share
 

முந்தைய மாத இதழ்

சிறுவர் பாடல்! - சோர்வு கூடாதே! சிறுவர் பாடல்! - சோர்வு கூடாதே! சோர்ந்து நீயும் இருந்துவிடாதே சோம்பல்தான் வளரும் - உன்னைச் சார்ந்து இருக்கும் நண்பருக்கென்றும் சங்கடமே விளையும்.   மேகம் வானில் சோர்ந... மேலும்
தேசியக் கல்விக் கொள்கை குறித்து வாசகர்கள் கருத்து தேசியக் கல்விக் கொள்கை குறித்து வாசகர்கள் கருத்து ஏழ்மை வரையரையிலும் பல்வேறு ஆங்கில வழிப் பள்ளிகளில் படித்தேன். அதனால் எனக்கு தமிழ், ஆங்கிலம் இரண்டுமே சரியாக வரவில்லை. ஆறாம் வகுப்பில் எனது... மேலும்
தவளை கத்தினால் மழை வருமா? தவளை கத்தினால் மழை வருமா? அ.இளங்கோவன் இந்த ஆண்டும், எப்போதும்போல் கோடை விடுமுறைக்கு தன் தாத்தாவின் சிற்றூருக்கு வந்திருந்தாள் அந்தச் சிறுமி. மலைப்பகுதியை ஒட்டிய ச... மேலும்
செய்து அசத்துவோம் - அழகிய பறவைகள் வீடு செய்து அசத்துவோம் - அழகிய பறவைகள் வீடு வாசன் தேவையான பொருள்கள்: 1.            ஒரு நீள் வடிவ அட்டைப்பெட்டி, 2.            செவ்வக வடிவத்தில் தங்களுக்குப் பிடித்தமான நிறத்திலான ... மேலும்