Home காரணமின்றி ஏற்காதீர்கள் : பலிகொடுத்தால் புதையல் கிடைக்குமா?
வெள்ளி, 04 டிசம்பர் 2020

தற்போதைய இதழ்

Previous அடுத்து
  • 1
  • 2
இசைப்போம் வாரீர்! - ஜாதி ஜாதி ஜாதி என்று இசைப்போம் வாரீர்! - ஜாதி ஜாதி ஜாதி என்று இசைக் குறிப்பு: விஜய் பிரபு Scale F minor 6/8 ஜாதி ஜாதி ஜாதி என்று தாழ்ந்து போனவன் /சாச சாச  சாரி  காம/  பாத   பாம க... / தமிழன் என்று... மேலும்
மாமழை போற்றுவோம்! மாமழை போற்றுவோம்! நிலவுலகின் நீரெல்லாம் நீராவியாய் எழும்பியே நீலவானப் பரப்பினையே மேகமாகி மூடுமே! உலவுகின்ற காற்றுமாங்கே உரசுகையில் கரைந்துமே உதிருகின்ற ந... மேலும்
வீர வரலாறு : நிறவெறியை வென்ற அய்ந்து வயது வீர வரலாறு : நிறவெறியை வென்ற அய்ந்து வயது ‘ரூபி பிரிட்ஜஸ்’ குழந்தைகளுக்கான ஒரு திரைப்படம். அது ஒரு சிறுமியின் கதை. அந்தச்சிறுமி கருப்பு இனத்தவர். இங்கே எப்படி தாழ்த்தப்பட்டோரை, உயர... மேலும்
கோமாளி மாமா-11 : அன்பைக் கொடு! கோமாளி மாமா-11 : அன்பைக் கொடு! ஓவியம், கதை:மு.கலைவாணன் மாணிக்கமும், கோமாளி மாமாவும் தோட்டத்திற்குள் ஒன்றாக வந்தனர். கதை சொல்லும் மரத்தடியில் மல்லிகா மட்டும் வருத்தத்துட... மேலும்
காரணமின்றி ஏற்காதீர்கள்: அர்ஜுனா என்றால் இடி தலையில் விழாதா? காரணமின்றி ஏற்காதீர்கள்: அர்ஜுனா என்றால் இடி தலையில் விழாதா? சிகரம் மின்னல் மின்னி இடி இடிக்கும்போது “அர்ஜூனா, அர்ஜூனா” என்று சொன்னால் இடி தாக்காது என்று மக்கள் நம்பி, அவ்வாறே சொல்கின்றனர். பிள்ளைகள... மேலும்
காரணமின்றி ஏற்காதீர்கள் : பலிகொடுத்தால் புதையல் கிடைக்குமா?
PDF  | Print |  E-mail
User Rating: / 0
PoorBest 

சிகரம்

மக்களிடையே மண்டிக் கிடக்கின்ற மடமைகளில் பலி கொடுத்தல் என்பது முதன்மையானது. ஆடு, மாடு, கோழிகளைப் பலிகொடுப்பதோடு நில்லாமல் மனிதர்களையே பலிகொடுக்கும் கொடூரம் அவ்வப்போது நிகழ்கிறது.

அண்மையில், புதையல் கிடைக்கும் என்ற ஆசையில், தான் பெற்ற குழந்தையையே பலி கொடுக்க முயன்ற ஒரு தந்தையைக் காவல் துறையினர் கைது செய்துள்ளனர். பூனைக்குட்டியைப் பலி கொடுத்தால் புதையல் கிடைக்கும் என்று மந்திரவாதி சொல்ல, பூனைக்குட்டியைப் பிடித்து வந்தனர். பலிகொடுக்க முயன்றபோது அப்பூனைக்குட்டி ஓடிவிட்டது.

உடனே மந்திரவாதி குழந்தையைப் பலிகொடுத்துவிடலாம் என்று கூற, தந்தையும் தன் பிள்ளையைப் பலி கொடுக்கச் சம்மதித்து குழந்தையைத் தூக்கி வருகின்றான். இதையறிந்த தாய் அழுது ஊரைக் கூட்ட, ஊரார் வந்து குழந்தையைக் காப்பாற்றினர். தந்தையையும், மந்திரவாதியையும் கைது செய்தனர்.

இவ்வளவு அறிவியல் வளர்ந்து, பகுத்தறிவு பரப்பப்பட்ட நிலையிலும் இப்படிப்பட்ட அறியாமை, மூடநம்பிக்கை இருப்பது நாமெல்லாம் வெட்கப்படவேண்டிய ஒன்றாகும்.

புதையல் என்பது, தானே பூமியிலிருந்து வருவது இல்லை. யாரோ, ஒரு காலத்தில் பூமியில் புதைத்து வைத்தது தான், நாம் தற்செயலாய்த் தோண்டும்போது கிடைக்கிறது.

உண்மை இப்படியிருக்க பிள்ளையைப் பலி கொடுத்தால் புதையல் கிடைக்கும் என்று நம்பி, பிள்ளையைப் பலி கொடுக்க முயன்றது எவ்வளவு மோசமான மூடத்தனம்! பலி கொடுத்தலில் பூமிக்குப் புதையல் எப்படி வரும்?

சிலர் வியாபாரம் சிறப்பாக நடக்க, காரியம் நிறைவேறப் பலி கொடுக்கின்றனர். குறிப்பாக சிறு குழந்தைகளைப் பலி கொடுக்கின்றனர். பலி கொடுப்பதால் கடவுள் மகிழ்ந்து இவர்களுக்கு நல்லது செய்யும் என்று நம்புகின்றனர். இது மூடத்தனம் மட்டுமல்ல, இவர்கள் நம்பும் கடவுளை இவர்களே கேவலப்படுத்தும் செயலாகும்.

அன்பே வடிவமானது கடவுள்; கருணையின் உருவமே கடவுள் என்று சொல்லிவிட்டு, கடவுள் குழந்தைகளைப் பலி கேட்கிறது என்பது கடவுளைக் கொச்சைப்படுத்தும் செயல் அல்லவா?

இதுவரை பலிகொடுத்தவர்களுக்கு ஏதாவது பயன் கிடைத்ததா என்று பார்த்தால் எந்தப் பயனும் கிடைத்ததில்லை. மாறாக, பலி கொடுத்தவர்கள் காவல்துறையிடம் மாட்டிக் கொண்டு வாழ்நாள் முழுக்கத் தண்டனை பெற்றதே உண்மை! எனவே பலிகொடுப்பது பக்தியல்ல; அது ஒரு கொலைக் குற்றம்! அத்தகைய சூழல்களில் சிக்காமல் குழந்தைகளும் எச்சரிக்கையாக இருக்க நாம் விழிப்புணர்வு ஏற்படுத்த வேண்டும்.

கடவுளுக்குப் பாலாபிஷேகம் செய்தால் கொரோனா விலகிவிடுமா?

கொரோனாவுக்குப் பயந்து கடவுள் சிலைக்கே முகக்கவசம் அணிவித்து, கோயில்களையே சாத்தியுள்ள நிலையில், மந்திரம் சொன்னால் கொரோனா நீங்கிவிடும் என்று சிலர் சொல்வதும்; கடவுளுக்கு 108 குடம் பாலாபிஷேகம் செய்வதும் அறியாமையின் உச்சம் அல்லவா?

மூடநம்பிக்கைக்கு ஓர் அளவு வேண்டாமா? கடவுள் இல்லை என்று கொரோனா கூறி பல மாதங்கள் ஆகிவிட்டன. அப்படியிருக்க, கடவுள் கொரோனாவைத் தடுக்கும், விரட்டும் என்பது மூளைக்கு ஒவ்வாத சிந்தனையல்லவா?

கடவுள் தடுக்கும், மந்திரம் தடுக்கும் என்றால் கொரோனா வந்தால் மருத்துவமனைக்கு ஏன் செல்ல வேண்டும்? கோயில் அர்ச்சகருக்கே கொரோனா வந்தால் மருத்துவமனைக்குத்தானே செல்கிறார்.

ஆக, அறிவுக்கு அறவே பொருந்தாத நம்பிக்கைகளுடன், கண்மூடித்தனமாய் கடவுளுக்குப் பாலாபிஷேகம் செய்வதை விட்டுவிட்டு, அந்தப்பாலை ஏழைக் குழந்தைகளுக்கு கொடுப்பதே சரியானது ஆகும்.<

Share
 

முந்தைய மாத இதழ்

நல்லுணவு நல்லுணவு கேழ்வரகு கம்பு சோளம் கேடற்ற வரகு சாமை கூழ்குடித்தல் எல்லாம் பண்டைக் குலத்தமிழர் சீர்ஆ காரம்;   காலையிலே நீரா காரம் கடும்கோடைக் கேற்ற... மேலும்
பிஞ்சுகளே.. பிஞ்சுகளே..: திருத்தம் தான் தேவை, முடிவு அல்ல! பிஞ்சுகளே.. பிஞ்சுகளே..: திருத்தம் தான் தேவை, முடிவு அல்ல! அன்பார்ந்த பேத்தி, பேரன்களே, எல்லாரும் எப்படி இருக்கிங்க? “கொரோனா காரணமாக எவ்வளவு நாள் பள்ளிக்கூடம் போகாமல் வீட்டிலேயே இருப்பது. ‘போர்’ ... மேலும்
துடுக்குத் தம்பி! துடுக்குத் தம்பி! “என்னடா தம்பி, எப்டி இருக்க? என்ன படிக்கிற? நல்லாப் படிக்கிறியா? எவ்ளோ மார்க் வாங்குற?” “ஏன் அங்கிள், நாங்க என்னைக்-காச்சும் பெரியவங்களைப... மேலும்
கதை கேளு.. கதை கேளு..: வானவில்லின் வண்ண மகள் கதை கேளு.. கதை கேளு..: வானவில்லின் வண்ண மகள் விழியன் அன்பாவுக்கு ஏழு வயது. அவள் வீட்டில் எல்லா வசதியும் இருந்தது. எது கேட்டாலும் கிடைக்கும் வசதி இருந்தது. ஆனால் அவள் எதையுமே கேட்டதில... மேலும்
பிஞ்சு எழுதிய பாடல்: எதுக்கு எதுக்கு அதுக்கு அதுக்கு பிஞ்சு எழுதிய பாடல்: எதுக்கு எதுக்கு அதுக்கு அதுக்கு எதுக்குக் குளிக்கணும் எதுக்குக் குளிக்கணும்? குளிச்சாத்தான் அழுக்குப் போகும். எதுக்கு அழுக்குப் போகணும் எதுக்கு அழுக்குப் போகணும் அழுக்... மேலும்
காரணமின்றி ஏற்காதீர்கள்: விழிக்கும் முகராசிக்கு  ஏற்ப நல்லது கெட்டது நடக்குமா? காரணமின்றி ஏற்காதீர்கள்: விழிக்கும் முகராசிக்கு ஏற்ப நல்லது கெட்டது நடக்குமா? சிகரம் இரவு உறக்கத்திற்குப் பின் விடிந்து விழிக்கும் போது யார் முகத்தில் முதலில் விழிக்கிறோம் என்பதைப் பொறுத்தே அன்றைக்கு நல்லதும் கெட்டத... மேலும்