Home பழகுமுகாம்
செவ்வாய், 29 நவம்பர் 2022
Banner

தற்போதைய இதழ்

பழகுமுகாம்
PDF  | Print |  E-mail
User Rating: / 1
PoorBest 

பிடிச்சிருக்கு ..... பிடிச்சிருக்கு .....பிடிச்சிருக்கு .....

இயல்பிலேயே மாணவப் பருவம் என்பது துருதுருவென்று எதையாவது அறிந்துகொள்ள, புரிந்துகொள்ள ஆர்வம் காட்டுகின்ற இயல்புடையது. அதை ‘கரோனா’ காலம் முடக்கிப் போட்டுவிட்டது. என்னதான் காணொலி, இணையம் என்றிருந்தாலும் ஆண்டுக்கணக்கில் அப்பா, அம்மா, சகோதரர்கள், தொலைக்காட்சி, கைப்பேசி என்பன மட்டுமே அவர்களது இயல்புக்கு ஈடுகொடுக்கவில்லை. தங்களையொத்த மாணவர்களுடன் கலந்து பழகி, விளையாடிக் களிக்கும் அனுபவத்தை மேற் கூறியவை கொடுக்கவில்லை. அதுவும் ஓர் இயந்திரத்தனம் ஆகிப் போனது.

அந்த இயந்திரத்தனத்தை இயற்கை நிலைக்குக் கொண்டு வந்தது பழகு முகாம் _ 2022. இதற்காக ‘பெரியார் பிஞ்சு’, இதழுக்கும் பெரியார் மணியம்மை அறிவியல் மற்றும் தொழில்நுட்ப நிறுவனத்திற்கும், (நிகர்நிலைப் பல்கலைக்கழகம்) பழகுமுகாமில் கலந்துகொண்ட மாணவர்கள் எவ்வளவு வேண்டுமானாலும் நன்றி சொல்வார்கள். அந்த நன்றியை அவரவர்களின் சொற்களில் கண்கள் விரிய, கைகள் அகல, முகம் மலர உற்சாகத்துடனும், துள்ளலுடனும் அவர்கள் நம்மிடம் வெளிப்படுத்திய பாங்கே தனிரகம்.

இப்படிப்பட்ட கூடல், களிப்பு, விளையாட்டு, கற்றல், அதன்படி நிற்றல் இவைதான் இந்தப் பருவத்திற்குத் தேவை. பழகுமுகாம்-_  மாணவர்களுக்கான மாதிரிப் பள்ளி (Model School) . முதல் நாளில் நுழைந்தபோது தடுமாற்றம் மாறி அய்ந்தாம் நாளில் பிரியப் போகிறோமே என்று ஏற்பட்ட பரிதவிப்பு சொல்லி விடுகிறது, பழகுமுகாம் தான் இளம் மாணவர்களின் கற்றல் தேர்வு என்பதை!

பழகுமுகாம் நடைபெற்றுக் கொண்டிருந்தபோது மாணவர்கள் தெரிவித்த கருத்துகள்:

1. ஆதவன் சித்தார்த் - மதுரை
பழகு முகாம் ரொம்பப் பிடிச்சிருக்கு. கலைவாணன் வகுப்பு மிகவும் பிடிச்சிருக்கு. இதுவரைக்கும் ஏழு நண்பர்கள் இருக்காங்க. முடிவதற்குள் இன்னும் பத்து பேரையாவது நண்பர்களாக்கிக்குவேன்.

2. மு. க. கதிரவன் - திருவாரூர்
முதல்முறையாக நீச்சல் குளத்தில் குளித்தேன். அடுத்த ஆண்டும் நிச்சயம் வருவேன். பூங்குன்றன் அய்யா வகுப்பு நன்றாக இருந்தது. இதுவரையிலும் மூன்று நண்பர்கள். 10 பேரையாவது நண்பர்களாக ஆக்கிக்கணும். எல்லோரும் ரொம்ப நல்லா பழகுறாங்க.

3. கோகுலகிருஷ்ணன் - கிருஷ்ணகிரி
ரொம்ப புடிச்சிருக்கு. 8 பேர் நண்பர்கள்.

4. ஆனந்த பிரபாகரன் - மதுரை
ரொம்... ப பிடிச்சிருக்கு. ஜாலியா இருக்கு. 6 நண்பர்கள்.

5. அறிவுக்கரசு - திண்டுக்கல்

அய்ன்ஸ்டீன் அரங்கில் நடந்த எல்லா வகுப்பும் புடிச்சிருக்கு. மிஸ்டர் ஜி. கே. நல்லா இருந்துச்சு. 3 நண்பர்கள்.

6. நிரல்யா - மதுரை
நிறைய்...ய புடிச்சிருக்கு. நீச்சல், விளையாட்டு, பெரியார் படம் பிடிச்சது. 5 நண்பர்கள் இருக்காங்க. அடுத்த முறை நிச்சயமா வருவேன்.


7. தண்மதி - ஈரோடு
இதோடு மூன்று முறை வந்துள்ளேன். அந்தளவுக்கு நல்லா இருக்கு. நடைப் பயிற்சி நல்லா இருக்கு. ஜாலியா பழகுறாங்க, பேசறாங்க. அப்புறம் நீச்சல் பிடிச்சது. விளையாட்டும் பிடிச்சது.

8. பறை - சென்னை

100% பிடிச்சிருக்கு. வீட்டில் இருந்தா வெளியில் போகமுடியாது. இங்க ஜாலியா இருக்கு. 5 நண்பர்கள் இருக்காங்க. அடுத்த ஆண்டும் வருவேன்.

9. ப்ரீத்தி - தர்மபுரி

ரொம்ப பிடிச்சிருக்கு. அய்ன்ஸ்டீன் அரங்கில் நடந்த எல்லா நிகழ்ச்சிகளும் புடிச்சிருக்கு. எனக்கு ஆறு நண்பர்கள் இருக்காங்க.

10. அணுவந்தனா - திருவண்ணாமலை
ரொம்ப, ரொம்ப பிடிச்சது. நீச்சல் பிரமாதம். எனக்கு 11 நண்பர்கள் இருக்காங்க. உடுமலை, பிரின்சு இருவரையும் பிடிச்சது.

11. பகுத்தறிவு - தம்பியூர்
முதல் முறையா வந்திருக்கேன். (கைகளை அகலமாக விரித்து) ரொம்பப் புடிக்கும். ஓவியம், கலைவாணன் வகுப்பு அருமை. உணவும் அருமை. எனக்கு 17  நண்பர்கள்.

12. செம்மொழி பிரபா - மதுரை கப்பலூர்
முதல் தடவையா வர்றேன். ரொம்ப, ரொம்பப் பிடிச்சிருக்கு. இந்த மாதிரி உணவு எங்கேயும் சாப்பிட்டதில்லை. வீட்டில் இருப்பதைவிட, இங்கேயே இருந்துவிடலாம் என்று தோன்றுகிறது. எனக்கு 33 நண்பர்கள் (வியந்து போன நாம், 33பேர் சொல்ல முடியுமா என்றதும், கடகடவென சில பெயர்களைச் சொன்னதும் நாம் பின்வாங்கிக் கொண்டோம்)

13. நபண்யா - பெங்களூரு
ஃபர்ஸ்ட் டைம் வர்றேன். நல்லா இருக்கு. ஜாலியா இருக்கு. 11 பேர் நண்பர்கள்.

14. அன்புச்செழியன் - செய்யாறு

இரண்டாவது முறை வருகிறேன். எனது அண்ணன் இளஞ்செழியன் (பழகு முகாமின் பழைய மாணவர்). உண்மையாகவே ரொம்ப பிடிச்சிருக்கு. முன்பைவிட நல்லா இருக்கு. எனக்கு எல்லோருமே நண்பர்கள்தான்.
அடுத்த ஆண்டும் வருவேன்.

15. அகிலன் - சென்னை
பர்ஸ்ட் டைம். அப்பா, அம்மாகிட்ட இருந்து வெளியில் வந்தது நன்றாக இருக்கு. எல்லாமே புடிச்சது. எனக்கு 9 நண்பர்கள்.

தொகுப்பு : உடுமலை

Share
 

முந்தைய மாத இதழ்

நோயின்றி வாழ..! நோயின்றி வாழ..! அக்டோபர் 16 - உலக உணவு நாள் காலை உணவைத் தவிர்க்காதே; காபி தேநீர் அருந்தாதே!பாலை மட்டும் அருந்தியபின் பலகா ரத்தை உண்டிடுக!மதிய உணவில் காய்... மேலும்
குழந்தைகளின் பசியைத் தீர்க்க KIDS AGAINST HUNGER குழந்தைகளின் பசியைத் தீர்க்க KIDS AGAINST HUNGER செப்டம்பர் 24, 25 ஆகிய நாட்களில் கனடாவின் டொரண்டோ நகரில் நடைபெற்ற சமூகநீதிக்கான பன்னாட்டு மனிதநேய மாநாட்டில், கனடாவின் ஆதிக்குடிகளின் பசிப... மேலும்
மறைந்த ஆபத்து மறைந்த ஆபத்து வசீகரன் சிறுத்தை ஒன்றின் காலில் பெரிய முள் தைத்துவிட்டது. சிறுத்தை வலியால் துடித்தது. காலை அசைக்கக்கூட அதனால் முடியவில்லை.அந்த வழியே இரு ... மேலும்
கணிதப் புதிர் சுடோகு கணிதப் புதிர் சுடோகு விடை: அடுத்த இதழில்... மேலும்
துணுக்குச்சீட்டு துணுக்குச்சீட்டு அபி உயரத்திலிருந்து ஒரு பூனை தடுமாறி, முதுகுப்பகுதி கீழ்நோக்கி இருக்குற மாதிரி விழுந்தாலும் அது சுழன்று பாதம் தரையில் படும்படி தான் விழும... மேலும்
கோமாளி மாமா-30 கோமாளி மாமா-30 மு.கலைவாணன் கோமாளி மாமா... விடுமுறை நாளில் தோட்டத்தில் சொல்லும் கதையைக் கேட்பதற்காக வரும் மாணிக்கம், மல்லிகா, செல்வம் மூன்று பேரும் சரியா... மேலும்