Home முந்தைய இதழ்கள் 2020 ஜூன் 2020 நம் கடமை!
சனி, 19 செப்டம்பர் 2020
நம் கடமை!
Print E-mail

தொற்று  நோய்தான்   வந்திட்டால்

தூர  ஒதுங்கி   இருந்திடுக:

மற்ற  வர்க்குப்   பரவாமல்

மாய்த்தே   அழித்தல்  நம்கடமை!

 

சுற்றுப்  புறத்துச்   சூழலையே

சுத்த  மாக  வைத்திடுவோம்;

முற்றாய்   நோயின்  கிருமிகளை

முதலில்   ஒழித்தல்  நம்கடமை!

 

உடலின்  சுத்தம்  உயர்வாகும்:

உயிர்க்கொல்  லிக்கே  எதிராகும்:

திடமாய்   வாழச்   சத்துணவைத்

தினமும்  உண்ணல்  நம்கடமை!

 

எதிர்ப்புச்  சக்தி  உருவாக

என்றும்  உண்க  கறி-காய்கள்*

அதிக  மாகக்  குடிநீரை

அருந்தி  வாழ்தல்  நம்கடமை!

 

பெருநோய்  ஏதும்  வாராமல்

பெரிதாய்  முயல்தல்  நம்கடமை:

வருமுன்  காத்தல்  நம்கடமை:

வாழ்வை  உயர்த்தல்  நம்கடமை!

- கே.பி.பத்மநாபன், கோவை.

*இங்கு ‘கறி-காய்கள்’ என்பது உண்ணக்கூடிய அனைத்துவகை மாமிச உணவையும், காய், கனி வகைகளையும் குறிக்கிறது.

Share