Home முந்தைய இதழ்கள் 2021 செப்டம்பர் 2021 மரங்களை வளர்ப்போம்!
புதன், 08 டிசம்பர் 2021
மரங்களை வளர்ப்போம்!
Print E-mail

மரங்களை வளர்த்து விட்டால்

மழைமிகப் பொழியும் தம்பி!

மழைமிகப் பொழிந்து விட்டால்

மண்பயிர் செழிக்கும் தம்பி!

மண்பயிர் செழித்து விட்டால்

மன்னுயிர் பசியும் நீங்கும்;

மன்னுயிர் பசியா றிட்டால்

மனதினுள் நிறைவு தோன்றும்!

மனதெலாம் நிறைந்து விட்டால்

மனிதருள் பகைமை மாயும்;

மனிதருள் பகைமாய்ந் திட்டால்

மக்களின் பேதம் நீங்கும்;

மக்களின் பேதம் நீங்கின்

மலர்ந்திடும் மனித நேயம்;

மலர்ந்திடும் நேயத் தாலே

வளர்ந்திடும் சமத்து வம்தான்;

வளர்ந்திடும் சமத்து வத்தால்

வளமுறும் சமதர் மந்தான்;

வளமுறும் சமதர் மத்தால்

வையமே சிறக்குந் தானே!

- கே.பி.பத்மநாபன்,

சிங்காநல்லூர், கோவை

Share