Home முந்தைய இதழ்கள் 2022 ஜனவரி 2022 பொங்கல் நன்னாள்!
செவ்வாய், 06 டிசம்பர் 2022
பொங்கல் நன்னாள்!
Print E-mail

பொங்கல் நன்னாள்!

ஏரும் மாடும் பயிரும்தாம்

இணையில் லாத செல்வங்கள்;

நீரும் நிறைந்த வயலுழவர்

நிலத்தில் உயர்ந்த வேந்தர்கள்!

 

தேரும் ஓட்டிச் செல்வோர்க்கும்

தெருவில் வாழும் ஏழைக்கும்

ஊருக் கும்தான் உணவீந்தே

உயிரைக் காப்போர் உழவர்தாம்!

 

பாரின் சுழற்சி இவரால்தாம்;

பண்டே உரைத்தார் வள்ளுவர்தாம்;

ஊரில் இவரைப் போற்றும்நாள்

உயர்ந்த நன்னாள் பொங்கல்நாள்!

 

வேராய் இவர்கள் உழைப்பதனால்

வீழா(து) உயிர்கள் வாழ்கிறதே;

ஓரா யிரமாம் நன்றியினை

உரைக்கும் நன்னாள் பொங்கல்நாள்!

- கே.பி.பத்மநாபன், சிங்காநல்லூர்

Share