Home 2012 ஏப்ரல் படிக்க வேண்டும் நன்றாய்
திங்கள், 03 ஆகஸ்ட் 2020
படிக்க வேண்டும் நன்றாய்
Print E-mail

பள்ளிக்கூட முதல் மணிகேள்!
பறந்து போ என் கண்மணி
துள்ளி ஓடு சுவடிப்பையை
தூக்கி ஓடு மகிழ்ச்சியோடு    (பள்ளிக்கூட)
அறிவைக் கொடுக்கும் கல்வி -_ நல்
அழகைக் கொடுக்கும் கல்வி
பொறுமை கொடுக்கும் கல்வி _ நீ
போ போ வருமே செல்வி
பாட வைக்கும் கல்வி _ கொண்ட
பசியைப் போக்கும் கல்வி
நாடுகாக்கும் கல்வி _ நீ
நடநட நட என் புதல்வி ( பள்ளிக்கூட)
நாள் தோறும் போய்- _ நீ
படிக்க வேண்டும் நன்றாய்
ஒரு நாள் நின்றாலும் மறப்பாய்
நீ நடநடநட வென விரைவாய் தமிழைக் கற்க வேண்டும் _ நீ
தமிழை மீட்க வேண்டும்
தமிழகம்தான் உன் தாய் _ அவள்
தளை அறுக்க வேண்டும் செல்வாய் (பள்ளிக்கூட)

- புரட்சிக்கவிஞர் பாரதிதாசன்

Share