Home 2018 செப்டம்பர் 2018 அவர் வழி செல்வோம்!
செவ்வாய், 19 பிப்ரவரி 2019
அவர் வழி செல்வோம்!
Print E-mail

சிறுவர் பாடல்

தந்தை பெரியார் எனும்போதே

தமிழன் தலைதான் நிமிர்ந்திடணும்

சிந்தை மகிழ்ந்துநாம் வாழ்வதெலாம்

சீரிய அவர்தம் உழைப்பால்தான்

 

விந்தை யானது அவர்பேச்சு

வேடிக்கை காட்டும் உரைவீச்சு

மந்தை மேயும் மாடல்ல

மானம் மிக்கார் மனிதரென்றார்!

 

கைத்தடி தான்அவர் அடையாளம்

கருத்தும் நடையும் மிகஆழம்

நைந்த மானுடன் மூடத்தை

நையப் புடைக்கும் அவர்வாதம்

 

பொய்யிலை கடவுள் மறுத்தார்தான்

புரியா மனிதரை வெறுத்தார்தான்

தையலை உயர்த்த வகைசெய்தார்

தரணியில் பெரியார் பெரியார்தான்!

 

தலைமுறை சிறக்கும் பின்சென்றால்

தமிழகம் வெல்லும் அவர்தொண்டால்

நிலைபெற் றேதான் நாம்வாழ

நித்தமும் அவர்வழி செல்வோமே!

அருப்புக்கோட்டை செல்வம்

Share