Home 2018 டிசம்பர் 2018 பெரியாரின் நூல்கள் படி!
புதன், 16 ஜனவரி 2019
பெரியாரின் நூல்கள் படி!
Print E-mail

 

பகுத்தறிவை வளர்ப்ப தற்குப்

படித்திடுவாய் பெரியார் நூல்கள்;

தகுதியுடைத் தலைவ னாகத்

தாத்தாவின் நூல்கள் கற்பாய்!

 

அறிவுக்கே ஒத்து வாரா

ஆழ்மூட நம்பிக் கைகள்

பறித்தெடுத்துக் களைவ தற்குப்

படித்திடுவாய் தந்தை நூல்கள்!

 

தீண்டாமை, ஜாதி பேதம்

தீய்ப்பதற்குப் பெரியார் நூல்கள்;

வேண்டாத பெண்ணின் கொடுமை

வேரறுக்கப் பெரியார் நூல்கள்!

 

சமஉரிமைப் பொருளை நீயும்

சரியாக உணர்வ தற்கு

நமதன்புத் தந்தை யாரின்

நலம்செய்யும் நூல்கள் கற்பாய்!

 

சுய மரி யாதை தனைச்

சொத்தாகக் கொள்வ தற்கு

உயர்வான பாதை ஈந்த

உத்தமரின் நூல்கள் கற்பாய்!

 

எத்தகைய பொருளா னாலும்

இங்கதனின் மெய்யைக் காண

புத்தியினைத் தீட்டு என்றே

புகன்றதெலாம் பெரியார் நூல்கள்!

 

உண்மையினை மறைத்திட் டோரை

ஊரினையே எத்திட் டோரைத்

திண்மையுடன் எதிர்த்த வைக்கம்

தீரரது நூல்கள் கற்பாய்!

 

சிந்தனையில் ஏற்றம் பெற்றுச்

செயலினிலும் ஆக்கம் காணத்

தந்தையவர் நூல்கள் யாவும்

தரணிக்கே உயர்ம ருந்தாம்!

கே.பி.பத்மநாபன், கோவை

Share